Հունիսի 20-ին երկօրյա պաշտոնական այցով Հայաստան կժամանի Արաբական Միացյալ Էմիրությունների արտաքին գործերի նախարար Աբդալլահ բին Զայեդ ալ Նահայանի գլխավորած պատվիրակությունը:
Ինչպես «Նովոստի-Արմենիա» գործակալությանը հայտնեցին հայկական արտաքին քաղաքական գերատեսչության մամուլի ծառայությունից, այցի ընթացքում նախատեսված են պատվիրակության հանդիպումները ՀՀ նախագահ Սերժ Սարգսյանի, ԱԺ նախագահ Հովիկ Աբրահամյանի և արտգործնախարար Էդվարդ Նալբանդյանի հետ:
Հանդիպումների ընթացքում կքննարկվեն Հայաստան - ԱՄԷ առևտրատնտեսական հարաբերությունները, ինչպես նաև կստորագրվի երկու փաստաթուղթ՝ «ՀՀ և ԱՄԷ կառավարությունների միջև դիվանագիտական ներկայացուցչություններ հիմնելու նպատակով միմյանց հողատարածքներ նվիրաբերելու մասին» համաձայնագիրը և «ՀՀ և ԱՄԷ կառավարությունների միջև դիվանագիտական անձնագրեր ունեցողների համար մուտքի արտոնագիր ստանալու պահանջի վերացման մասին» փոխըմբռնման հուշագիրը:-0-
