Նախագահական ընտրություններից հետո Իրանում տեղի ունեցած հուզումների և Երևանի անցյալ տարվա մարտի 1-2 դեպքերի միջև շատ ընդհանուր բան կա, կարծում է քաղաքագետ Սերգեյ Շաքարյանցը:
«Եվ Երևանում, և Թեհրանում առաջին գնդակն արձակած մարդիկ սադրիչներն էին, որոնք ղեկավարվում էին միևնույն կենտրոնից՝ ԱՄՆ-ից և ՆԱՏՕ-ից: Մյուս հուզումներն ընդամենը հետևանքներ էին, իսկ դրանց մասնակիցները՝ լոկ կատարողներ»,- ասաց Շաքարյանցը հինգշաբթի մամուլի ասուլիսի ժամանակ:
Շաքարյանցի խոսքերովէ ԱՄՆ-ի նպատակն այն է, որ տարածաշրջանի բոլոր երկրները վերածվեն «կառավարելի քաոսով» երկրների, ինչպես, օրինակ, Իրաքը:
Ընդ որում, քաղաքագետի կարծիքով, Միացյալ նահանգները սխալվեց Իրանի հարցում՝ հաշվի չառնելով, որ այդ երկիրն ավելի դժվար կլինի հունից հանել, քան արհեստականորեն ստեղծված Իրաքը:
«Իրանը տարածաշրջանի երկրներից ամենակայունն է: Եվ այդ կայունությունը հիմնված է իսլամական համերաշխության վրա»,- ընդգծեց նա:
Նա հավելեց նաև, որ ընդդիմադիր շարժումը Իրանում շուտով կհանդարտվի, քանի որ ԱՄՆ-ն պաշտոնապես հայտարարել է, որ չի խառնվելու Իրանի ներքին գործերին: -0-
