Սիրիայի նախագահ Բաշար Ալ Ասադը նախօրեին Երևանում կայացած պաշտոնական ընթրիքի ժամանակ հայտարարել է, որ համատեղ աշխատանք է ակնկալում երկկողմ հարաբերությունների բոլոր ոլորտներում ցանկալի մակարդակի բարձրացնելու համար քաղաքական, տնտեսական և առևտրի ոլորտներում:
«Մեր երկու երկրների միջև երկկողմ հարաբերությունները համագործակցության բազմադարյա ավանդությներ ունեն, և մեր երկու ժողովուրդների միջև բարեկամական հարաբերությունները կառուցված են սիրո և փոխադարձ հարգանքի վրա»,- հինգշաբթի «Նովոստի-Արմենիա» գործակալությանը մեջբերեցին Սիրիայի նախագահի խոսքերը հայկական պետության ղեկավարի մամուլի ծառայությունից։
«Այս շրջանակներում մեր այսօրվա բանակցությունները հաստատեցին, որ երկկողմ հարաբերություններն աճելու են, զարգանալու են և ծաղկելու են անընդհատ` ի շահ երկու ժողովուրդների, երկու երկրների և երկու տարածաշրջանների»,- ասել է նա։
Սիրիայի նախագահն ընդգծել է նաև տնտեսական ոլորտում համագործակցության ամրապնդման կարևորությունը` հույս ունենալով, որ երկու երկրների միջև առևտրաշրջանառության մակարդակը կհասնի առկա քաղաքական, հասարակական և մշակութային հարաբերությունների մակարդակին:
Ապրանքաշրջանառությունը Հայաստանի և Սիրիայի միջև 2008 թվականին կազմել է 5,99 մլն ԱՄՆ դոլար, որից արտահանման մասնաբաժինը կազմել է 0,09 մլն դոլար , ներմուծմանը՝ 5,9 մլն։ 2007 թվականին ապրանքաշրջանառության ծավալը կազմել է 2,12 մլն դոլար, արտահանման ծավալները՝ 0,15 մլն, ներմուծմանը՝ 1,97 մլն դոլար։ -0-
