ԵՐԵՎԱՆ, 18 հունիսի. /Նովոստի-Արմենիա/. Կալինինգրադի մարզում ավարտվում է հայկական մշակութային կենտրոնի շիանարարությունը, ասաց Կալինինգրադի հայկական համայնքի պատվիրակության ղեկավար Ֆելիքս Գևորգյանը ՀՀ սփյուռքի նախարար Հրանուշ Հակոբյանի հետ հանդիպման ժամանակ, տեղեկացրեցին նախարարության մամուլի ծառայությունից:
Գևորգյանը նշեց, որ հայկական համայնքը բավականին կազմակերպչական է և վայելում է տեղական իշխանությունների հարգանքը:
Նրա խոսքերով, այս պահի դրությամբ համայնքում գործում է հայկական եկեղեցի, երեք կիրակնօրյա դպրոց, պարի համույթ:
Պատվիրակության ղեկավարը ընդգծեց, որ մարզի շատ հայեր հաջող ձեռներեցներ են, գիտության և մշակույթի ոլորտի առաջատար մասնագետներ, ովքեր իրենց պարտքն են համարում աջակցել հայրենիքի առաջընթացին:
Կալինինգրադի մարզում բնակվում է 15 հազ. հայ:
ՀՀ սփյուռքի նախարարն իր հերթին նշեց, որ տեղեկացված է հայկական համայնքի լավ կազմակերպվածության և գեղեցիկ նախաձեռնությունների մասին, ինչը կարող է իսկական օրինակ ծառայել ՌԴ-ի այլ հայկական համայնքների համար:
Նախարարի խոսքերով, շատ կարևոր է, որպեսզի ակտիվությունը, հայկական ոգին, հայրենասիրությունը, ավագ սերնդի ավանդույթները փոխանցվեն ՌԴ-ում բնակվող կրտսեր սերնդին, հայ երեխաներին:
Այս կապակցությամբ նախարարը հատուկ կարևորեց կիրակնօրյա դպրոցների ստեղծումն ու Հայաստանի հետ դրանց կապերի ամրապնդումը:
Նա հավաստիացրեց, որ ՀՀ սփյուռքի նախարարությունը մշտապես աջակցելու է հայկական համայնքներին նրանց հայրենանվեր նախաձեռնություններում:
Այս օրերին Հայաստանում է գտնվում Կալինինգրադի մարզի պատվիրակությունը՝ մարզպետ Գեորգի Բոոոսի գլխավորությամբ:-0-
