ՌԴ Կալինինգրադի մարզի ձեռնարկությունները պատրաստ են համագործակցել հայկական բիզնեսի հետ ներդրումների տեսքով, ասել է մարզի էկոնոմիկայի նախարար Ալեքսանդրա Սմիրնովան:
«Ցավոք, Հայաստանի հետ հարաբերություններն այդքան էլ ինտենսիվ և մասշտաբային չեն, որքան կարող էին լինել, սակայն վերջին տարիներին արտաքին առևտրաշրջանառության ցուցանիշները զգալի դինամիկա են արձանագրում», - հինգշաբթի Երևանում Տնտեսական համաժողովում Կալինինգրադսի շրջանը ներկայացնելու ժամանակ ասաց նա:
Կալինինգրադի շրջանի Առևտրի նախարարության տվյալներով՝ 2008 թ.-ին դեպի Հայաստան ներկրումը կազմել է 1 550, 5 հազ. ԱՄՆ դոլար, իսկ Հայաստանից իրականացվող արտահանումը՝ 145,5 հազար դոլար:
«Հայաստանից Կալինինգրադսկի մարզ են ներկրվում հիմնականում շինարարական նյութեր, իսկ դեպի Հայաստան արտահանման հիմքը կազմում են գյուղատնտեսական և պարենային ապրանքները», - ասաց Սմիրնովան:
Նշելով, որ արտահանման տեսանկյունից տեղի են ունեցել զգալի փոփոխություններ՝ նա ասաց, որ արտաքին առևտրաշրջանառության մեջ Հայաստանի մասնաբաժինը դեռ շատ փոքր է՝ 1 տոկոսից ոչ ավել, և աճի զգալի ներուժ կա:
«Դեռ բացակայում են համատեղ ձեռնարկությունները, և մենք հուսով ենք, որ այս այցի շրջանակներում տեղի ունեցած հանդիպումների և բանակցությունների շնորհիվ՝ այդ հանգամանքը հնարավոր կլինի ուղղել», - ասաց Սմիրնովան:
Միաժամանակ նա ավելացրեց, որ Կալինինգրադի շրջանի պատվիրակության՝ Հայաստան կատարած այցի շրջանակներում ծրագրված է ցուցահանդեսի բացում, որի ժամանակ կներկայացվի ավանդական արտադրանքի՝ սաթի, մսեղենի և ձկնեղեն արտադրող 12 ձեռնարկություն, բացի այդ Սմիրնովայի խոսքերով՝ ցուցահանդեսի այցելուներին անակնկալներ են սպասվում:
Կալինիգրադի մարզի պատվիրակությունը՝ մարզպետ Գեորգի Բոոսի գլխավորությամբ, հունիսի 17-ին քառօրյա այցով ժամանել է Երևան: Այցի նպատակն է համագործակցության հաստատումը տնտեսական և հումանիտար ոլորտներում:
Պատվիրակության այցի ընթացքում ծրագրված են մարզպետ Բոոսի մի շարք հանդիպումները Հայաստանի պաշտոնատար անձանց, հասարակության ներկայացուցիչների, ռուս հայրենակիցների հետ: Մարզպետը նաև ելույթ կունենա Ռուս-հայկական (Սլավոնական) համալսարանի ուսանողների առջև:-0-
