ԵՐԵՎԱՆ, 15 հունիսի. /Նովոստի-Արմենիա/. ՀԱՊԿ-ն միակ կառույցն է, որն ի զորու է ապահովել Հայաստանի անվտանգությունը արտաքին մարտահրավերներից, կարծում է «Նոր ժամանակներ» ընդդիմադիր կուսակցության առաջնորդ Արամ Կարապետյանը:
«ՀԱՊԿ-ն միակ կառույցն է, որն ի զորու է ապահովել Հայաստանի անվտանգությունը արտաքին մարտահրավերներից, այնպես որ այդ կառույցի անդամ լինելը միանշանակ ճիշտ է»,- երկուշաբթի լրագրողներին հայտարարեց Կարապետյանը:
Նրա խոսքերով, ՀՀ և ՀԱՊԿ գլխավոր խնդիրը Ռուսաստանի ռազմական կառույցներին ինտեգրվելն է:
Ինչպես կարծում է Կարապետյանը, Հայաստանն ընդգրկվել է այդ կառույցում, քանի որ դրա կազմում է Ռուսաստանը՝ հզոր բանակով:
ՀԱՊԿ երկրների գագաթնաժողովը նախօրեին կայացավ Մոսկվայում: Ժամանակավոր նախագահությունը ՀԱՊԿ-ում Հայաստանից փոխանցվել է Ռուսաստանին կազմակերպության մոսկովյան գագաթնաժողովին մասնակցելուց Բելառուսի հրաժարվելու պատճառով:
ՀԱՊԿ անդամներն են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանը և Ուզբեկստանը: -0-
