ԱՀՀ-ն ԱՄՆ-ի կողմից Հայաստանին տրամադրվող ֆինանսական կրճատումը երկակի ստանդարտների կիրառում է համարում

Ամերիկայի հայկական համագումարը (ԱՀՀ) նախօրեին հայտարարություն է տարածել, որում քննադատել է ԱՄՆ-ի կողմից երկակի ստանդարտների կիրառումը Հարավային Կովկասի երկրներին օգնություն ցուցաբերելու հարցում, ասվում է ԱՀՀ-ի պաշտոնական կայքում։

«Երկակի ստանդարտների կիրառումը հանգեցրել է Հայաստանին տնտեսական օգնության 38 տոկոսանոց կրճատման և 80 միլիոն դոլարի ֆինասնավորման դադարեցման, որոնք նախատեսված էին «Հազարամյակի մարտահրավերներ» հիմնադրամի ծրագրով՝ շրջափակման մեջ գտնվող երկրի աղքատ շրջանների ճանապարհների վերանորոգման համար», - ասվում է տեղեկատվության մեջ։

Ինչպես ասվում է ԱՀՀ-ի հայտարարության մեջ, ԱՄՆ-ն կրճատում է Հայաստանի օգնությունը՝ ելնելով երկրում ժողովրդավարության անբավարար մակարդակից, այն դեպքում երբ ավելացնում է Ադրբեջանի և Վրաստանի օգնությունը, որտեղ ևս ժողովրդավարության հետ կապված լուրջ խնդիրներ կան։-0-