ԵՐԵՎԱՆ, 10 հունիսի. /Նովոստի-Արմենիա/. Ռուսական կառավարության ղեկավար Վլադիմիր Պուտինի այցը Հայաստան մնում է ուժի մեջ, այդ հարցը կհստակեցվի դիվանագիտական մակարդակում, հայտարարեց Հայաստանի վարչապետ Տիգրան Սարգսյանը՝ պատասխանելով «Նովոստի-Արմենիա» գործակալության հարցին։
«Գաղտնիք չէ, որ մենք ապրում ենք արագ փոփոխվող միջավայրում, համաշխարհային ֆինանսատնտեսական ճգնաժամի կապակցությամբ տեղի են ունենում անկանխատեսելի և անսպասելի իրադարձություններ, և հենց դրանով է պայմանավորված հստակ ամսաթիվ գրանցելու անհնարինությունը»,- ասաց վարչապետը։
Նրա խոսքերով՝ Պուտինը հաստատել է իր այցը Երևան՝ հավաստիացնելով, որ այցն անպայման կկայանա։
Ընթացիկ տարվա փետրվարին Մոսկվա կատարած իր այցի ընթացքում ՀՀ վարչապետ Տիգրան Սագսյանը պաշտոնապես հրավիրեց իր ռուսաստանյան գործընկերոջը այցելել Հայաստան։ -0-
