ՀՀ վարչապետը կմասնակցի հունիսի 9-ին Մոսկվայում կայանալիք ԵՎՐԱԶԷՍ-ի միջպետական խորհրդի նիստին

ԵՐԵՎԱՆ, 8 հունիսի. /Նովոստի-Արմենիա/. ՀՀ վարչապետ Տիգրան Սարգսյանի  գլխավորած կառավարական պատվիրակությունը վաղն առավոտյան  կմեկնի ՌԴ մայրաքաղաք Մոսկվա` մասնակցելու  Եվրասիական տնտեսական ընկերակցության (ԵՎՐԱԶԷՍ-ի) միջպետական խորհրդի կառավարությունների ղեկավարների մակարդակով անցկացվող 23-րդ նիստին:

Ինչպես երկուշաբթի հայտնեցին «Նովոստի-Արմենիա» գործակալությանը հանրապետության կառավարության աշխատակազմի հասարակայնության հետ կապերի և մամուլի վարչությունից, պատվիրակության կազմում են ՀՀ կառավարության աշխատակազմի ղեկավար Դավիթ Սարգսյանը, ՀՀ ֆինանսների նախարար Տիգրան Դավթյանը, ՀՀ էներգետիկայի և բնական պաշարների նախարար Արմեն Մովսիսյանը, ՀՀ ֆինանսների նախարարի տեղակալ Վարդան Արամյանը, ՀՀ արտաքին գործերի նախարարի տեղակալ Շավարշ Քոչարյանը և պաշտոնատար այլ անձինք: -0-