ԵՐԵՎԱՆ, 5 հունիսի. /Նովոստի-Արմենիա/. Գերմանիայի դեսպանության աջակցությամբ ՀՀ գրողների միությունում ուրբաթ բացվել է Կոմիքսների հանրահայտ գրող Մարկ Դեգենսի (Marc Degens) աշխատանքների ցուցահանդեսը։
Դեգենսը ներկայացրել է Գերմանիայի լրագրողական կոմիքսների համեմատաբար երիտասարդ ժանր՝ հույս հայտնելով, որ տվյալ ժանրը հանրաճանաչելի կդառնա նաև հայ ընթերցողի մոտ։
«Լրագրողական կոմիքսի ժանրը մեծ ճանաչում է վայելում մի շարք եվրոպական երկրներում, մասնավորապես, Ֆրանսիայում, Անգլիայում, ինչպես նաև Գերմանիայում։ Սկզբում կոմիքսները տպագրվում էին պարբերականներում սև-սպիտակ ֆորմատով, և միայն 30-40 տարի անց սկսեցին տպագրվել գունազարդ մեկնաբանությամբ, առանձին գրքույկների տեսքով։ Պատկերների և ուրախ մեկնաբանությունների համադրումը զվարճացնում էին ընթերցողներին»,- ասաց Դեգենսը ցուցահանդեսի բացմանը։
Ցուցահանդեսը կներկայացնի տարբեր ուղղությունների լրագրողական կոմիքսների չորս շնորհանդես։
Միաժամանակ Դեգենսը նշեց, որ հունիսի 9-ին Երևան կժամանի Գերմանիայի ճանաչված կոմիքսմեյքերներից մեկը՝ Անդրեաս Պլատհաուսը (Andreas Platthaus), ով իր հերթին սեփական աշխատանքները կներկայացնի երևանցիներին։
Հունիսի 10-ին Դեգենսն ու Պլատհաուսը կներկայացնեն իրենց աշխատանքները Գյումրի քաղաքում (Հայաստանի հյուսիսային մայրաքաղաք)։
Ինչպես հայտնեց Դեգենսը «Նովոստի-Արմենիա» գործակալության լրագրողին, նա ժանրի զարգացման իրական ներուժ է տեսնում Հայաստանում և չի բացառում, որ դասախոսական գործունեություն կծավալի Հայաստանում։
Կոմիքսները որպես ժանր ստեղծվել են ԱՄՆ-ում 19-րդ դարում և տարածում են գտել Եվրոպայի երկրներում։ Ավելի ուշ ծագել է կոմիքսի ժանրի ուղղություններից մեկը՝ լրագրողական կոմիքսները, որոնք ներկայում մեծ ճանաչում են վայելում արևմտյան և եվրոպական պետություններում։ -0-
