Երեքշաբթի բրիտանական Հայ Վիքըմ քաղաքի գրադարանում տեղի է ունեցել «Հայկական մշակութային ժառանգության ասպեկտները» (Aspects of Armenian Cultural Heritage) խորագրով ցուցահանդեսի բացման արարողությունը, որը կգործի մինչև հունիսի 14-ը, «Նովոստի-Արմենիա» գործակալությանը հայտնեցին ՀՀ ԱԳՆ մամուլի ծառայությունից։
Ինչպես նշվում է հաղորդագրության մեջ, ցուցահանդեսը կազմակերպվել էր Միացյալ Թագավորությունում Հայաստանի դեսպանության և «The Chiltern-Armenian» ընկերության համատեղ ջանքերով:
Ցուցահանդեսին ներկայացվել էին հայկական պատմամշակութային կոթողները և ժողովրդի առօրյա կյանքից դրվագներ պատկերող ավելի քան 70 լուսանկարներ և հայկական տառարվեստը պատկերող ցուցանմուշներ:
Ցուցահանդեսի բացման արարողությանը մասնակցել են Հայաստանի դեսպան Վահե Գաբրիելյանը, «The Chiltern-Armenian» ընկերության նախագահ Օդեթ Բազիլը, Հայ Վիքըմի քաղաքապետարանի մշակույթի և կրթության պատասխանատուները, տեղական մամուլի լրագրողներ, դեսպանության աշխատակիցները, հայ համայնքի ներկայացուցիչներ, ինչպես նաև տեղացի արվեստասերներ։ -0-
