Հայաստանում հաստատվել է հաշմանդամ երեխաների՝ ֆիզկուլտուրայով և սպորտով մշտապես զբաղվելու կազմակերպման կարգը

ՀՀ կառավարությունը հինգշաբթի հաստատել է հաշմանդամ մանուկների ու պատանիների անընդմեջ վերականգնման համակարգում ֆիզիկական կուլտուրայի և սպորտի պարապմունքների կազմակերպման, մեթոդաբանական ու բժշկական աջակցության կարգը։

Ինչպես կառավարության նիստի ժամանակ հայտարարեց ՀՀ առողջապահության նախարար Հարություն Քուշկյանը, կարգն ուղղված է ֆիզկուլտուրայով և սպորտով զբաղվող հաշմանդամ երեխաների բժշկական վերահսկողության գործընթացի համակարգմանը, ինչի արդյունքում հաշմանդամ երեխաների և երիտասարդ սերնդի սահմանափակ հնարավորություններով ներկայացուցիչների սոցիալական ադապտացում, նրանց ֆիզիկական վերականգնում և առողջության պաշտպանություն է ակնկալվում։ -0-