ԵՐԵՎԱՆ, 3 հունիսի. /Նովոստի-Արմենիա/. 2009 թվականի մայիսի 6-ին հրապարակվեց ազգային հավաքականների ՖԻՖԱ-ի դասակարգման աղյուսակը: Նախորդ ամսվա համեմատ Հայաստանի ազգային ընտրանին նահանջել է 6 տեղով և զբաղեցնում է դասակարգման աղյուսակի 131-րդ հորիզոնականը՝ 239 միավորով, «Նովոստի-Արմենիա» գործակալությանը հայտնեցին ՀՀ Ֆուտբոլի ֆեդերացիայի մամուլի ծառայությունից:
Դասակարգման աղյուսակը շարունակում է գլխավորել Եվրոպայի չեմպիոն` Իսպանիայի հավաքականը, որին հաջորդում է Հոլանդիայի ընտրանին, առաջատարների եռյակը եզրափակում է Գերմանիան:
2010 թ.-ի աշխարհի առաջնության ընտրական փուլում Հայաստանի հավաքականի մրցակիցները զբաղեցնում են հետևյալ տեղերը ընթացիկ դասակարգման մեջ՝ Իսպանիա՝ առաջին տեղ (1761 միավոր), Թուրքիա՝12-րդ տեղ (964 միավոր), Բելգիա՝ 63 (518), Բոսնիա և Հերցեգովինա՝ 33 (763), Էստոնիա՝ 113 (297)։ Վրաստանի ազգային հավաքականը դասակարգման աղյուսակում զբաղեցնում է 105-րդ տեղը, իսկ Ադրբեջանի թիմը՝ 140-րդը։
2009 թ.-ի մայիսի 6-ի դրությամբ ՖԻՖԱ-ի դասակարգման համաձայն, առաջատարների տասնյակը հետևյալ տեսքն ունի.
1. Իսպանիա – 1761 (միավոր)
2. Հոլանդիա – 1442
3. Գերմանիա – 1378
4. Իտալիա – 1292
5. Բրազիլիա – 1288
6. Անգլիա – 1225
7. Արգենտինա – 1203
8. Խորվաթիա – 1200
9. Ռուսաստան – 1167
10. Ֆրանսիա – 1067
Ընդհանուր առմամբ ռանգերի մասին ֆուտբոլի համաշխարհային ցուցակում ընդգրկվել է ավելի քան 200 երկիր։ -0-
