ՀՀ նախագահը ցավակցական ուղերձ է հղել Ֆրանսիայի և Բրազիլիայի նախագահներին Air France ինքնաթիռի աղետի կապակցությամբ
ԵՐԵՎԱՆ, 3 հունիսի. /Նովոստի-Արմենիա/. Ռիո դե Ժանեյրո-Փարիզ չվերթի օդանավի աղետի կապակցությամբ նախագահ Սերժ Սագսյանը ցավակցական ուղերձ է հղել Ֆրանսիայի Հանրապետության նախագահ Նիկոլա Սարկոզիին:
«Խոր վշտով տեղեկացա Ատլանտյան օվկիանոսում տեղի ունեցած ֆրանսիական ինքնաթիռի աղետալի վթարի և մարդկային մեծ կորստի մասին։
Հայաստանի ժողովրդի և անձամբ իմ անունից խորին ցավակցություն եմ հայտնում Ձեզ, Ֆրանսիայի բարեկամ ժողովրդին և զոհվածների ընտանիքներին:
Կիսելով Ձեր և Ֆրանսիայի ժողովրդի վիշտն ու ցավը՝ մաղթում եմ տոկունություն և ոգու արիություն անմեղ զոհերի հարազատներին»,- ասվում է «Նովոստի-Արմենիա» գործակալությանը ՀՀ նախագահի մամուլի ծառայությունից տրամադրած հաղորդագրությունում։
Հանրապետության նախագահը ցավակցական ուղերձ է հղել նաև Բրազիլիայի Դաշնային Հանրապետության նախագահ Լուիս Ինասիո Լուլա դա Սիլվային, որում Սարգսյանը հայ ժողովրդի անունից և անձամբ իր անունից խորին ցավակցություն է հայտնել աղետի կապակցությամբ։
«Բրազիլիայի համար այս դժվար պահին իմ վշտակցությունն եմ հայտնում Ձեզ ու բրազիլացի բարեկամ ժողովրդին` մաղթելով համբերություն և ոգու արիություն», -ասված է ՀՀ նախագահի ուղերձում:
Air France ավիաընկերության AF447 չվերթի Airbus A330-200 ինքնաթիռը, որում 228 մարդ կար, նախորդ կիրակի դուրս էր եկել Երևանի ժամանակով 03։00-ին Թոմ Ժոբիմայի անվան Ռիո դե Ժանեյրոյի միջազգային օդանավակայանից և պետք է վայրէջք կատարեր երկուշաբթի, Շառլ դը Գոլի անվան փարիզյան օդանավակայանում Երևանի ժամանակով 14։00-ին, սակայն ինքնաթիռի հետ կապն ընդհատվել է թռիչքից չորս ժամ անց։
Որոշ տվյալներով, ինքնաթիռն Ատլատյան օպկիանոսի կայծակի հոսանքի մեջ է ընկել, ոնի հետևանքով շարքից դուրս է եկել նրա ողջ էլեկտրահամակարգը։
Երեքշաբթի բրազիլական իշխանությունները հայտարարել են, որ Ատլանտյան օվկիանոսում А330-200-ի հնարավոր ընկնելու վայրում, Բրազիլիայի ափից մոտ հազար կիլոմետր դեպի հյուսիս-արևելք հայտնաբերվել են բեկորներ, այդ թվում՝ ինքնաթիռի բազկաթոռներ։ Չորեքշաբթի Ֆրանսիայի Գլխավոր շտաբի ներկայացուցիչը հաստատել է, որ Ատլանտյան օվկիանոսում գտնված բեկորները պատկանում են A330-200-ին։ -0-
