ՀՀ վարչապետը շնորհակալություն է հայտնել Նիդերլանդների դեսպանին հայ-նիդերլանդական կապերի ամրապնդմանն ուղղված ջանքերի համար

ՀՀ վարչապետ Տիգրան Սարգսյանը շնորհակալություն է հայտնել ՀՀ-ում Նիդերլանդների Թագավորության արտակարգ և լիազոր դեսպան Օննո Էլդերենբոսին`  հայ-նիդերլանդական կապերի ամրապնդմանն  ուղղված ջանքերի համար։

Ինչպես չորեքշաբթի «Նովոստի-Արմենիա» գործակալությանը հայտնեցին ՀՀ կառավարության աշխատակազմի հասարակայնության և տեղեկատվության վարչությունից, այդ մասին Սարգսյանն ասաց դեսպանի հետ հանդիպման ընթացքում, Օննո Էլդերենբոսի` մեր երկրում  քառամյա դիվանագիտական առաքելությունն ավարտելու կապակցությամբ:

Վարչապետը հույս  հայտնեց, որ այսուհետ ևս պարոն Օննո Էլդերենբոսը կշարունակի  երկու  երկրների հարաբերությունների  զարգացմանը միտված  առաքելությունը: -0-