«Արմավիա» հայկական ավիաընկերությունը տարանցիկ չվերթեր է բացում դեպի Ալմաթի, Մինսկ, Թել Ավիվ և Վիեննա

«Արմավիա» հայկական ավիաընկերությունը հայտարարում է դեպի Ալմաթի, Մինսկ, Թել Ավիվ և Վիեննա տարանցիկ չվերթերի մասին։

Ինչպես «Նովոստի-Արմենիա» գործակալությանը տեղեկացրեց ընկերության մամուլի քարտուղար Նանա Ավետիսովան, չվերթերն իրականացվում են հետևյալ կերպ՝ Երևան-Թբիլիսի, այնտեղից Թբիլիսի-Ալմաթի, Թբիլիսի-Մինսկ, Թբիլիսի-Թել Ավիվ, Թբիլիսի-Վիեննա։

«Ուղևորները չվերթերի համընկնման և ժամանակի հետ կապված խնդիրներ չեն ունենա, քանի որ «Արմավիա» ավիաընկերությունն իրականացնում է Երևան-Թբիլիսի չվերթն ամեն օր, օրական երկու անգամ՝ առավոտյան և երեկոյան», - պարզաբանեց Ավետիսովան։

«Արմավիան» Օդային տրանսպորտի միջազգային ասոցիացիայի (IATA) անդամ է: Ավիաընկերությունը իր հաճախորդներին առաջարկում է Հայաստանում խոշորագույն չվերթերի ցանց դեպի Ռուսաստանի և ԱՊՀ երկրների քաղաքներ, ինչպես նաև Մերձավոր Արևելքի և Եվրոպայի քաղաքներ։

«Արմավիան» իրականացնում է շաբաթական ավելի քան 170 կանոնավոր չվերթ՝՝30 ուղղությամբ։ 2008 թ.-ին ավիաընկերությունը տեղափոխել է ավելի քան 647 000 ուղևոր: Ավիաընկերության օդանավերի պարկը բաղկացած է А320 (2), А319 (3), Իլ-86, Տու-134. օդանավերից: «Արմավիան» կդառնա առաջին ընկերությունը, որը ձեռք կբերի նոր Սուխոյ  Superjet S-100 ինքնաթիռը, որը ավիապարկը կհամալրի մինչև տարեվերջ:

Ավիացիոն ռիսկերը ապահովագրված են ISG ընկերության կողմից, որը «Արմավիայի» միակ գործընկերն է։-0-