ՀՀ ոստիկանությունը վերահսկում է Երևանի Ավագանու խորհրդի ընտրությունների ժամանակ տեղի ունեցած իրավախախտումների մասին ահազանգերը։
«Ավագանու խորհրդի ընտրությունների բնականոն ընթացքը շարունակվում է։ Ընտրությունների ընթացքում գրանցված իրավախախտումների մասին ահազանգերը գտնվում են Ոստիկանության վերահսկողության տակ, հանգամանքները ճշտվում են», - ասվում է «Նովոստի-Արմենիա» գործակալություն ստացված ՀՀ ոստիկանության տեղեկատվության մեջ։
Բողոքների քննության արդյունքների մասին տեղեկատվությունը կտրամադրվի ավելի ուշ։
Ընդդիմադիր Հայ ազգային կոնգրեսը ահազանգում է Երևանի Ավագանու խորհրդի ընտրությունների բազմաթիվ ընտրախախտումների մասին։ Տեղական ժամանակով ժամը 12։15-ի դրությամբ ՀԱԿ-ը գրանցել է ընտրական գործընթացի խախտման 30 դեպք։
Երևանում մայիսի 31-ին անցկացվում են Ավագանու խորհրդի ընտրություններ, որոնք կկարողանա մասնակցել 771,5 հազար մարդ:
Սա Երևանի պատմության մեջ առաջին Ավագանու խորհրդի ընտրություններն են։ «Երևանում տեղական ինքնակառավարման մասին» նոր օրենքի համաձայն՝ նախատեսվում է Երևանում ստեղծել 65 անդամից բաղկացած և համամասնական ընտրակարգով ձևավորվող Ավագանու խորհուրդ։ Երևանի քաղաքապետի պաշտոնը կզբաղեցնի այն կուսակցության համամասնական ցուցակի առաջին համարը, որը ընտրությունների ժամանակ կհավաքի ձայների մեծամասնությունը:
Երևանի Ավագանու խորհրդի ընտրություններն անցկացվում են համամասնական ընտրակարգով:
Ընտրություններին մասնակցում են «Բարգավաճ Հայաստան» կուսակցությունը, ՀՀԿ-ն, «Օրինաց Երկիր» կուսակցությունը, ՀՅԴ-ն, Ժողովրդական կուսակցությունը, ՀՀ Աշխատավորական սոցիալիստական կուսակցությունը և ՀԱԿ նախընտրական դաշինքը։ --0—
