«Դաշնակցություն» կուսակցությունից Երևանի քաղաքապետի թեկնածուն քվեարկել է մայրաքաղաքի արժանավայել ապագայի համար

ԵՐԵՎԱՆ, 31 մայիսի. /Նովոստի-Արմենիա/. Արծվիկ Մինասյանը, ով Երևանի Ավագանու խորհրդի ընտրություններում գլխավորում է «Դաշնակցություն» կուսակցության ցուցակը, այսօր առավոտյան իր ընտրատեղամասում քվեարկել է «մայրաքաղաքի արժանավայել ապագայի համար»։

«Ես քվեարկել են մայրաքաղաքի արժանավայել ապագայի, ազգային քաղաքապետարանի համար», - ասաց Մինասյանը լրագրողներին քվեարկությունից հետո։

Նա հույս հայտնեց, որ երևանցիները ևս կքվեարկեն մայրաքաղաքի արժանավայել ապագայի համար։

Մինասյանը նշեց, որ «Դաշնակցություն» կուսակցության նախընտրական շտաբեր ընտրությունների ընթացքում խախտումների մասին որևէ ահազանգ չի ստացվել, նա հույս է հայտնել, որ խախտումներ չեն գրանցվի մինչև ընտրությունների օրվա վերջը։

«Եթե բացահայտվի որևէ խախտում, մենք պատրաստ ենք պայքարել արդարության համար։ Մենք պատրաստ ենք համագործակցել յուրաքանչյուր ուժի հետ, որը ձգտում է արդարության, այդ թվում նաև Հայ ազգային կոնգրեսի հետ», - հայտարարեց Մինասյանը։

Երևանում մայիսի 31-ին անցկացվում են Ավագանու խորհրդի ընտրություններ, որոնք կկարողանա մասնակցել 771,5 հազար մարդ:

Սա Երևանի պատմության մեջ առաջին Ավագանու խորհրդի ընտրություններն են։  «Երևանում տեղական ինքնակառավարման մասին» նոր օրենքի համաձայն՝ նախատեսվում է Երևանում ստեղծել 65 անդամից բաղկացած և համամասնական ընտրակարգով ձևավորվող Ավագանու խորհուրդ։ Երևանի քաղաքապետի պաշտոնը կզբաղեցնի այն կուսակցության համամասնական ցուցակի առաջին համարը, որը ընտրությունների ժամանակ կհավաքի ձայների մեծամասնությունը:

Երևանի Ավագանու խորհրդի ընտրություններն անցկացվում են համամասնական ընտրակարգով:

Ընտրություններին մասնակցում են «Բարգավաճ Հայաստան» կուսակցությունը, ՀՀԿ-ն, «Օրինաց Երկիր» կուսակցությունը, ՀՅԴ-ն, Ժողովրդական կուսակցությունը, ՀՀ Աշխատավորական սոցիալիստական կուսակցությունը և ՀԱԿ նախընտրական դաշինքը։  --0—