ՀՀ ԱԳՆ-ի և Հայաստանում հավատարմագրված օտարերկրյա պետությունների դեսպանությունների և դիվանագիտական կարգավիճակ ունեցող միջազգային կազմակերպությունների ներկայացուցչությունների հավաքականների միջև ֆուտբոլային հանդիպումը տեղի կունենա Երևանում մայիսի 31-ին, ուրբաթ «Նովոստի-Արմենիա» գործակալությանը տեղեկացրեցին ՀՀ ԱԳՆ մամուլի ծառայությունից։
Հանդիպումը նվիրված է մայիսի 28-ին Հայաստանում նշվող Առաջին հանրապետության օրվան (1918-1920 թթ.)։
«Ֆուտբոլային հանդիպումը կկայանա Երևանի «ՄԻԿԱ» մարզադաշտում մայիսի
31-ին ժամը 19.30-ին», - նշեցին մամուլի ծառայությունից։-0-
