Հայաստանի հաշմանդամների «Փյունիկ» միությունը սայլակների վրա ամենամյա մարաթոն-երթ է անցկացնում՝ Առաջին հանրապետության օրվա կապակցությամբ։
Մարաթոնը մեկնարկել է Սպենդիարյանի անվան Օպերայի և բալետի ակադեմիակայի թատրոնի շենքից և կավարտվի Մայր Աթոռ Սուրբ Էջմիածնի մոտ, որտեղ մասնակիցներին կդիմավորի և կօրհնի Ամենայն Հայոց Գարեգին Երկրորդ Կաթողիկոսը։ Մարաթոնին շուրջ 50 հաշմանդամ է մասնակցում։
«Մեր ամենամյա մարաթոնը նպատակ ունի ևս մեկ անգամ հանրության և պետական կառույցների ուշադրությունը հրավիրել հաշմանդամների խնդիրներին։ Միաժամանակ, մենք մեր ձևով ենք նշում Հանրապետության օրը», - լրագրողներին ասաց «Փյունիկ» միության նախագահ Հակոբ Աբրահամյանը։
Նա նշեց, որ հասարակության մեջ փոփոխություններ են կատարվում, որոնք կապված են հաշմանդամների հանդեպ վերաբերմունքի հետ։
«Ստեղծվում են նոր հասարակական կազմակերպություններ, որոնք զբաղվում են հաշմանդամների խնդիրների լուծմամբ», - նշեց Միության նախագահը։
Աբրահամյանը կարևոր խնդիր համարեց քաղաքի շենքերի չհարմարեցվածությունը հաշմանդամների կարիքներին և նրանցից շատերում թեքամուտքերի բացակայությունը։
Հաշմանդամների «Փյունիկ» միությունը հիմնադրվել է 1988 թ.-ին, այժմ նրա կազմում է ավելի քան երեք հազար մարդ։
Վերջին պաշտոնական տվյալների համաձայն, Հայաստանում հաշվառման է կանգնած 148 հազար հաշմանդամ, որոնցից անժամկետ հաշմանդամների թիվը կազմում է 88 հազար։-0-
