ՀՀ նախագահ Սերժ Սարգսյանը հրամանագիր է ստորագրել Վիգեն Չիտեչյանին Ֆրանսիայի Հանրապետությունում ՀՀ արտակարգ և լիազոր դեսպան (նստավայրը՝ Փարիզ) նշանակելու մասին, «Նովոստի-Արմենիա» գործակալությանը տեղեկացրեցին ՀՀ նախագահի մամուլի ծառայությունից։
Մինչ Չիտեչյանը Ֆրանսիայում ՀՀ դեսպանն էր ՀՀ ԱԳ գործող նախարար Էդվարդ Նալբանդյանը։
Նախագահի մեկ այլ հրամանով Չիտեչյանը ազատվել է Բելգիայի Թագավորությունում ՀՀ արտակարգ և լիազոր դեսպանի և, համատեղության կարգով, Եվրոպական միությունում ՀՀ ներկայացուցչության ղեկավարի պարտականություններից։
Բելգիայի Թագավորությունում ՀՀ արտակարգ և լիազոր դեսպան է նշանակվել Ավետ Ադոնցը (նստավայրը՝ Բրյուսել), ով գլխավորում էր ՀՀ ԱԺ եվրոպական ինտեգրման հարցերի մշտական հանձնաժողովը։ Ադոնցը, համատեղության կարգով, նշանակվել է նաև Եվրոպական միությունում Հայաստանի ներկայացուցչության ղեկավար (նստավայրը՝ Բրյուսել):-0-
