ԱՊՀ երկրների ՆԳՆ և ոստիկանության համար կադրերի պատրաստման հարցը կքննարկվի Կրասնոդարում

Ռուսաստանի ՆԳՆ կադրերի ապահովման դեպարտամենտի պետ, գեներալ-լեյտենանտ Վլադիմիր Կիկոտը չորեքշաբթի Կրասնոդարում խորհրդակցություն կանցկացնի, որը նվիրված է ԱՊՀ երկրներում միլիցիայի և ոստիկանության համար կադրերի պատրաստման հարցերին, «ՌԻԱ Նովոստիին» տեղեկացրել  ՌԴ ՆԳՆ Կրասնոդարի համալսարանի մամուլի ծառայության ներկայացուցիչը։

«Միլիցիայի գեներալ-լեյտենանտ Կիկոտը հանդես կգա «Ժամանակակից պայմաններում ներքին գործերի մարմինների (ոստիկանության) համար կադրերի նախնական պատրաստման հրատապ խնդիրները» զեկույցով», - ասել է գործակալության զրուցակիցը։

Նա պարզաբանել է, որ խորհրդակցությանը կմասնակցեն Ադրբեջանի, Բելառուսի, Ղրղզստանի, Մոլդովայի, Ռուսաստանի, Տաջիկստանի, Ուկրաինայի ներքին գործերի նախարարությունների, ինչպես նաև Հայաստանի ոստիկանության ներկայացուցիչները։

Կուբան կատարած այցի ընթացքում հյուրերը կծանոթանան Ռուսաստանի հարավում գտնվող խոշորագույն ուսումնական հաստատության ուսումնա- նյութական բազայի հետ, կայցելեն բուհի՝ քաղաքից դուրս գտնվող ուսումնական կենտրոն, ինչպես նաև համալսարանի Նովորոսիյսկի մասնաճյուղ, ավելացրել է մամուլի ծառայության ներկայացուցիչը։-0-