ՀՀ իրավապահ մարմինները փնտրում են հանրապետության գյուղերից մեկում տեղի ունեցած փոխհրաձգության մասնակցին

ՀՀ ոստիկանությունը փնտրում է Արարատի մարզի Գեղանիստ գյուղում տեղի ունեցած փոխհրաձգության մասնակիցներից մեկին, հայտնվում է Ոստիկանության օպերատիվ ամփոփագրում։  

«Մայիսի 24-ին, ժամը 11:45-ին հիվանդանոցից ոստիկանության Մասիսի բաժին հաղորդում է ստացվել, որ հրազենային վնասվածքով իրենց մոտ է տեղափոխվել 33-ամյա Հակոբ Հ.-ն: Մեկնած օպերատիվ խումբը պարզել է, որ նույն օրը, ժամը 11.00-ի սահմաններում, Գեղանիստ գյուղի կենտրոնական խաչմերուկի մոտ, վիճաբանության ժամանակ, Հակոբ Հ.-ին 9 մմ տրամաչափի հրազենով կրակել և նշված վնասվածքը պատճառել է անհայտ անձը»,- ասվում է հաղորդագրության մեջ:

Զննությամբ դեպքի վայրից հայտնաբերվել և առգրավվել է 9 մմ տրամաչափի հրազենի 2 պարկուճ և մեկ գնդակ:

Ձեռնարկված միջոցառումների շնորհիվ պարզվել է, որ «Մակարով» տիպի ատրճանակից 2 անգամ կրակել և վնասվածքը նրան պատճառել է 28-ամյա Վահան Պ.-ն:

«Ձեռնարկվում են միջոցառումներ Վահան Պ.-ին հայտնաբերելու ուղղությամբ:

Նախաքննությունը շարունակվում է»,- ասվում է ոստիկանության օպերատիվ ամփոփագրում:-0-