ԵՐԵՎԱՆ, 25 մայիսի. /Նովոստի-Արմենիա/. Ռուսաստանի հայերի միության (ՌՀՄ)՝ գիտության և արվեստի բնագավառում անցկացված երկրորդ մրցույթի արդյունքները կամփոփվեն երկուշաբթի երեկոյան, երկուշաբթի մամուլի ասուլիսի ժամանակ տեղեկացրեց Միության նախագահ Արա Աբրահամյանը։
«Մրցանակները կհանձնվեն մտավորականության 34 ներկայացուցիչի, որոնցից չորսը գրող են, ութը՝ կոմպոզիտոր, ինը՝ նկարիչ, ութը՝ լրագրող և հինգը՝ գիտնական»,- տեղեկացրեց նա։
ՌՀՄ մրցանակները կհանձնվեն «Հայը 21-րդ դարասկզբին» (Գրողների միություն), «Հայաստանը համայն հայության հայրենիքն է» (Հայաստանի ժուռնալիստների միություն), «Լավագույն գիտական աշխատանք» (ՀՀ Գիտությունների ազգային ակադեմիա), «Հայաստանը և հայաստանցիները նկարչի աչքերով» (ՀՀ նկարիչների միություն), «Հայ ժամանակակից կոմպոզիտորական արվեստի ստեղծագործական ձեռքբերում» (ՀՀ կոմպոզիտորների և երաժշտագետների միություն) անվանակարգերում։ Հաղթողներին կհանձնվոն դիպլոմներ և դրամական մրցանակներ 2 հազարից մինչև 5 հազար դոլարի չափով։
ՌՀՄ նախագահի խոսքերով, Միությունն արդեն ինը տարի է՝ համագործակցում է գիտական և ստեղծագործական միությունների հետ, իսկ Ռուսաստանում նմանատիպ մրցանակներ է հանձնում վերջին հինգ-վեց տարիների ընթացքում։ Միության ստեղծման առաջին իսկ օրվանից, ինչպես նշեց Աբրահամյանը, որոշում ընդունվեց աշխատել մշակույթի, գիտության և արվեստի ոլորտներում, քանի որ ստեղծագործող մտավորականությունը պետք է իմանա, որ գոյություն ունի մի կազմակերպություն, որն աջակցում և մեծ նշանակություն է տալիս ազգային մշակույթին։
«Մենք չունենք պետական ֆինանսավորում, բայց մենք ևս մեկ անգամ մեր մշակույթով հպարտանալու հնարավորությունը բաց չենք թողնում։ Եթե մենք կարող են հարգել և հպարատնալ մեր մշակույթով, գիտությամբ, ապա դա առավել կարևոր կլինի Հայաստանի և սփյուռքահայերի համար»,- ասաց նա՝ կոչ անելով Հայաստանի և սփյուռքի գործարարներին իրենց ներդրումն ունենալ մտավորականությանն աջակցելու գործում։
Ինչպես ավելացրեց Աբրահամյանը, ՌՀՄ երրորդ մրցույթի հաղթողները 2010 թվականին կմասնակցեն Միության 10-ամյակի տոնակատարությանը մոսկովյան Կրեմլում։
Ռուսաստանի հայերի միությունը հիմնադրվել է 2000 թվականի հունիսին՝ որպես համառուսական հասարակական կազմակերպություն։ Ներկայում ՌՀՄ-ն ունի մոտ 640 բաժանմունք Ռուսաստանի 72 մարզում։ -0-
