Երևանում երեք մարդ ՃՏՊ-ի զոհ է դարձել

Երևանի շրջաններից մեկում երկու ավտոմեքենայի բախման  հետևանքով երեք մարդ է զոհվել։

Ինչպես հայտնեցին «Նովոստի-Արմենիա» գործակալությանը հանրապետության Արտակարգ իրավիճակների նախարարությանն առընթեր Փրկարար ծառայությունից, շաբաթ օրը դեռևս չպարզված հանգամանքներում երկու ավտոմեքենաներ իրար են բախվել։

Տուժածները տեղափոխվել են Երևանի «Էրեբունի» բժշկական կենտրոն, որտեղ նրանց առաջին բուժօգնություն է ցուցաբերվել։

Բժիշկները երկու տուժածների վիճակը գնահատում են միջին ծանրության։ -0-