ԵՐԵՎԱՆ, 25 մայիսի. /Նովոստի-Արմենիա/. Երկուշաբթի «Արմավիա» ավիաընկերությունը նվեր է հանձնել 2009 թ.-ի իր 200 հազարերորդ ուղևորին, «Նովոստի-Արմենիա» գործակալությանը տեղեկացրեց ընկերության մամուլի քարտուղար Նանա Ավետիսովան։
«Մայիսի 25-ի առավոտյան անակնկալ էր սպասում Երևան-Ցյուրիխ ուղղությամբ թռչող թիվ 117 չվերթի ուղևոր Մերի Երանոսյանին։ Մոտենալով հաշվառման սեղանին՝ նա զարմացավ՝ տեսնելով ծաղկեփունջը ձեռքներին բորտուղեկցորդուհիներին, SAMSUNG տեսակի մեծ հեղուկ-բյուրեղային հեռուստացույց և իրեն ուղղված հեռուստախցիկներ։ Բանն այնն է, որ Մերի Երանոսյանը «Արմավիա» ավիաընկերության 2009 թ.-ի 200 հազարերորդ ուղևորն էր», - ասաց Ավետիսովան։
«Արմավիա» ավիաընկերության կոմերցիոն տնօրենի տեղակալ Թերեզա Ղազարյանի խոսքերով՝ ընկերությունն այս ակցիան անցկացնում է ամեն տարի, և այս տարի սպասվում է միլիոներորդ ուղևորը, որին կհանձնվի ավտոմեքենա։
«Արմավիա» ավիաընկերության 200 հազաերորդ ուղևոր Մերի Երանոսյանն իր հերթին շնորհակալություն հայտնեց ընկերությանը ուշադրության և նվերների համար, ինչպես նաև խոստովանեց, որ օգտվում է «Արմավիա» ավիաընկերության ծառայություններից և շատ է ուրախանում ցանկացած նորամուծության համար՝ լինի դա նոր հարմարավետ ինքնաթիռ, թե նոր ուղղություն։
«Այսուհետ ես կթռչեմ միայն «Արմավիայի» ինքնաթիռներով, դրանք հարմարավետ են, «Արմավիա» ընկերության հետ հուսալի և անվտանգ է», - ընդգծեց Երանոսյանը։
Հեղուկ-բյուրեղային հեռուստացույցից և ծաղկեփնջից բացի «Արմավիա» ավիաընկերությունը 200 հազարերորդ ուղևորին ևս մեկ անակնկալ հանձնեց՝ փոխարինեց էկոնոմ-կլասի տոմսը բիզնես-կլասի տոմսով։
Արմավիա» ավիաընկերությունը Երևան-Ցյուրիխ-Երևան կանոնավոր չվերթի իրականացումը սկսել է իրականացնել մարտի 30-ից։ Այս չվերթը ուղևորներին կտեղափոխի Կենտրոնական Եվրոպա, որտեղից նրանք կարող են մեկնել այլ եվրոպական երկրներ, ինչպես նաև ԱՄՆ։
«Արմավիան» Օդային տրանսպորտի միջազգային ասոցիացիայի (IATA) անդամ է: «Արմավիան» իրականացնում է ամսական ավելի քան 250 կանոնավոր չվերթ՝ 30 ուղղություններով Ռուսաստանի և ԱՊՀ երկրների քաղաքներ, ինչպես նաև Մերձավոր Արևելքի և Եվրոպայի քաղաքներ։
2008 թ.-ին ավիաընկերությունը տեղափոխել է ավելի քան 647 000 ուղևոր:
Ավիաընկերության օդանավերի պարկը բաղկացած է А320 (2), А319 (3), Իլ-86, Տու-134. օդանավերից: «Արմավիան» կդառնա առաջին ընկերությունը, որը ձեռք կբերի նոր Սուխոյ Superjet S-100 ինքնաթիռ, որը ավիապարկը կհամալրի մինչև տարեվերջ:--0--
