Երևանում շաբաթ օրը մեկնարկած բռնցքամարտի պատանիների աշխարհի առաջնությանը մասնակցում են 42 երկրներ ներկայացնող մարզիկներ, «Նովոստի-Արմենիա» գործակալությանը տեղեկացրեցին ՀՀ բռնցքամարտի ֆեդերացիայի մամուլի կենտրոնից։
«Աշխարհի առաջնությանը մասնակցում են Ալժիրը, Ավստրալիան, Բելառուսը, Բուլղարիան, Չինաստանը, Թայվանը, Կիպրոսը, Կուբան, Դոմինիկյան Հանրապետությունը, Անգլիան, Էկվադորը, Ֆինլանդիան, Գերմանիան, Հունաստանը, Վրաստանը, Հունգարիան, Հնդկաստանը, Իրանը, Իռլանդիան, Իսրայելը, Ղազախստանը, Ղրղզստանը, Կորեան, Լատվիան, Լիտվան, Մոլդովան, Մոնտենեգրոն, Մարոկկոն, Լեհաստանը, Պուերտո-Ռիկոն, Խորվաթիան, Ռումինիան, Ռուսաստանը, Շվեդիան, Թայլանդը, Թուրքիան, Ուկրաինան, ԱՄՆ-ն, Ուզբեկստանը, Տաջիկստանը, Սերբիան և Հայաստանը ներկայացնող մարզիկները», - ասվում է տեղեկատվության մեջ։
Ֆեդերացիայից նշեցին, որ ինը երկրներ՝ Վենեսուելան, Թունիսը, Չեխիան, Սլովակիան, Արգենտինան, Նիգերիան, Մոնղոլիան, Գաննան, Բոցվանան հայտեր են ներկայացրել, սակայն չեն ժամանել մրցումներին։-0-
