«Արմենիա» առագաստանավը մայիսի 28-ին կսկսի շուրջերկրյա ճանապարհորդությունը

«Արմենիա» հայկական առագաստանավը մայիսի 28-ին՝ Հայաստանի առաջին հանրապետության օրը, կմեկնարկի շուրջերկրյա ճանապարհորդությունը, «Նովոստի-Արմենիա» գործակալությանը տեղեկացրեց նավարկության մասնակիցներից մեկը՝ հայտնի գրող-հրապարակախոս և հասարակական գործիչ Զորի Բալայանը։

«Ծովային նախանշանների համաձայն՝ մենք չենք հրապարակի ճանապարհորդության ուղին մինչ մեկնման օրը։ Կարող եմ ասել միայն մեկ բան՝ մենք պետք է պտտույք կատարենք երկրագնդի շուրջ», - ասաց Բալայանը։

800 տարվա մեջ առաջին անգամ հայկական նավը մեծ նավարկության մեկնեց 2004 թ.-ին՝ կիլիկիացի առևտրականների երթուղով։ Նավը կոչվում էր «Կիլիկիա» և կառուցվել էր Ծովային հետազոտությունների երևանյան «Այաս» ակումբի մասնակիցների կողմից՝ 13-րդ դարի հայկական առևտրային նավերի նմանակով, որոնցով նավարկում էին կիլիկիացի առևտրականները։

Նավը կառուցվել է ըստ միջնադարյան ձեռագրերի և մանրանկարների, կառուցվել է միջնադարյան տեխնոլոգիաների կիրառմամբ։ «Կիլիկիայի» կառուցումը տևել է 10 տարի՝ 1991 թ.-ի մայիսից մինչև 2001 թ.-ի մայիսը։ Երկու տարվա ընթացքում նավը առագաստով փորձարկվել է Սևանա լճում։

«Կիլիկիա» առագաստանավի նավարկությանը մասնակցել է նաև Զորի Բալայանը։-0-