ՀՀ վարչապետը ԼՂՀ նախագահի հետ համագործակցության հարցեր է քննարկել
19.05.2009,
18:34
ՀՀ վարչապետը ԼՂՀ նախագահի հետ համագործակցության հարցեր է քննարկել
ՀՀ վարչապետ Տիգրան Սարգսյանը երեքշաբթի հանդիպել է ԼՂՀ նախագահ Բակո Սահակյանի հետ, «Նովոստի-Արմենիա» գործակալությանը հայտնեցին կառավարության մամուլի ծառայությունից։
«Հանդիպման ընթացքում ՀՀ վարչապետը կարևորել է ՀՀ-ԼՂՀ համագործակցությունը և ֆինանսատնտեսական ճգնաժամի մեղմման ուղղությամբ Հայաստանի Հանրապետության և Լեռնային Ղարաբաղի Հանրապետության կառավարությունների կատարած քայլերը»,- ասվում է հաղորդագրության մեջ:
Զրույցի ընթացքում կողմերը մտքեր են փոխանակել ԼՂՀ-ում ընթացող տնտեսական բարեփոխումների վերաբերյալ:
ԼՂՀ նախագահը նշել է, որ հայաստանցի գործընկերների աջակցությամբ համատեղ ծրագրերի կազմակերպումը ձևավորել է արդյունավետ գործակցություն և արձանագրել շոշափելի արդյունքներ:
Հանդիպմանը ներկա է եղել ԼՂՀ վարչապետ Արա Հարությունյանը:--0--
Պատճենել հղումը
