Բոլոր միջազգային կազմակերպությունները, ինչպես նաև ՀԱԿ կողմից հասարակական շրջաններում անցկացվող մոնիտորինգը վկայում են, որ ՀԱԿ-ը Երևանի քաղաքապետի ընտրություններում բացարձակ առավելություն ունի մյուս բոլոր քաղաքական կուսակցությունների նկատմամբ, ասաց ՀՀ ընդդիմադիր Ազատական կուսակցության նախագահ Հովհաննես Հովհաննիսյանը։
Մայիսի 31-ին կայանալիք Երևանի Ավագանու խորհրդի ընտրություններին կմասնակցի վեց քաղաքական կուսակցություն՝ «Բարգավաճ Հայաստան», Հայաստանի Հանրապետական կուսակցությունները, Օրինաց երկիր, Դաշնակցություն կուսակցութունները, Ժողովրդական կուսակցությունը, Հայաստանի Աշխատավորական սոցիալիստական կուսակցությունն ու Հայ ազգային կոնգրեսի նախընտրական դաշինքը։
«Վարկանիշով երկրորդ տեղում է «Բարգավաճ Հայաստան» կուսակցությունը, որին հաջորդում է ՀՀԿ-ն։ Այդ իսկ պատճառով կարծում եմ, որ եթե ընտրություններն անցնեն ազնիվ ու արդար, ՀԱԿ-ը առաջին փուլում կհաղթահարի 40 տոկոսանոց պատնեշը և կձևավորի Երևանի քաղաքական ղեկավարությունը»,- երեքշաբթի Հովհաննիսյանն ասաց լրագրողներին։
Նա նշեց, որ ընտրությունների վերջնական գնահատականը ՀԱԿ-ը կտա մայիսի 31-ի գիշերը՝ ընտրություններից հետո։ Ընդ որում նա կարծում է, որ «մենք կարող ենք պատասխանատու լինել ընտրազանգվածի կողմից մեր օգտին տրված ձայների համար»։
Մայիսի 31-ին տեղի կունենա Երևանի Ավագանու խորհրդի ընտրությունները: «Երևանում տեղական ինքնակառավարման մասին» նոր օրենքի համաձայն նախատեսվում է Երևանում ստեղծել 65 անդամներից բաղկացած և համամասնական ընտրակարգով ձևավորվող Ավագանու խորհուրդ։ Երևանի քաղաքապետի պաշտոնը կզբաղեցնի այն կուսակցության համամասնական ցուցակի առաջին համարը, որը ընտրությունների ժամանակ կհավաքի ձայների մեծամասնությունը:
Հովհաննիսյանն ասաց նաև, որ իր կողմից հնչեցված նախընտրական կանխատեսումների հաստատման դեպքում Հայաստանի կարգավիճակը էապես կփոխվի։
«Հայաստանի հանդեպ միջազգային հանրության վերաբերմունքն ու դիրքորոշումը ավելի դրական կլինի, իր ներքաղաքական նշումներով մեր երկիրը զգալիորեն կաճի շատ համաշխարհային երկրների աչքում, հատկապես, հետխորհրդային տարածքում»,- պարզաբանեց նա։
Ազատական կուսակցության առաջնորդի կարծիքով՝ այդ դեպքում դրական խթաններ կստանան նաև հայ-թուրքական հարաբերությունների հասատատման ու Ղարաբաղյան հակամարտության կարգավորման հարցերը։
«Գոյություն ունեցող ուժեղ ճնշումը Հայաստանի վրա աստիճանաբար կվերանա՝ հաշվի առնելով այն, որ Հայաստանում ժողովրդավարական զարգացումներ կսկսվեն ամեն տեսակի դրական հետևանքներով»,- ընդգծեց նա։
Պատասխանելով լրագրողների հարցին, թե ինչպիսին կլինեն ՀԱԿ գործողությունները, եթե իրենց կանխատեսումներն չիրականանան, Հովհաննիսյանը նշեց, որ ՀԱԿ-ը պատրաստ է աշխատել քվեարկության ցանկացած արդյունքի դեպքում, եթե համոզվի, որ ընտրություններն անցել են առանց խախտումների և կեղծումների։
«Եթե երևանցիները մեզ այնքան ձայն տան, որքան անհրաժեշտ համարեն, և եթե ընտրությունները չկեղծվեն, ապա մենք պատրաստ ենք համագործակցության»,- ամփոփեց նա։ --0--
