Թուրքմենստանը հրաժարվել է մասնակցել Երևանում կայանալիք ԱԻԲԱ բռնցքամարտի աշխարհի պատանիների 2009թ. առաջնությանը

ԵՐԵՎԱՆ, 19 մայիսի. /Նովոստի-Արմենիա/. Թուրքմենստանը հրաժարվել է մասնակցել Երևանում մայիսի 23-30-ը կայանալիք ԱԻԲԱ բռնցքամարտի աշխարհի պատանիների 2009թ. առաջնությանը, երեքշաբթի «Նովոստի-Արմենիա» գործակալությանը տեղեկացրեցին ՀՀ բռնցքամարտի ֆեդերացիայի (ՀԲՖ) մամուլի ծառայությունից։

ՀԲՖ-ից հիշեցրեցին, որ առաջնությունում մասնակցելու վերաբերյալ հայտ ներկայացնելուց հետո Բռնցքամարտի ֆեդերացիան մինչ օրս այդպես էլ չի ներկայացրել իր մարզիկներին։

Երեքշաբթի օրվա դրությամբ առաջնությանը մտադիր է մասնակցել 49 երկիր՝ Ալժիրը, Ավստրալիան, Բելառուսը, Հայաստանը, Բոցվանան, Բուլղարիան, Չինաստանը, Տայվանը,  Խորվաթիան, Կուբան, Չեխիան, Կիպրոսը, Դոմինիկյան Հանրապետությունը, Էկվադորը, Անգլիան, Ֆինլանդիան, Գերմանիան, Վրաստանը, Գանան, Հունաստանը, Հունգարիան, Հնդկաստանը, Իրանը, Իռլանդիան, Իսրայելը, Ղազախստանը, Ղրղզստանը, Կորեան, Լատվիան, Լիտվան, Մարոկկոն, Մոլդովան, Մոնղոլիան, Մոնտենեգրոն, Նիգերիան, Լեհաստանը, Պուերտո-Ռիկոն, Ռումինիան, Ռուսաստանը, Սլովակիան, Շվեդիան, Թայլանդը, Թունիսը, Թուրքիան, Ուկրաինան, ԱՄՆ-ն, Ուզբեկստանը, Վենեսուելան, Սերբիան։

Բլոր 13 քաշային կատեգորիաներում բռնցքամարտիկներին պատրաստվում է ռինգ դուրս հանել միայն յոթ երկիր՝ Հայաստանը, Թուրքիան, Ուկրաինան, Ռուսաստանը, Հունգարիան, Բելառուսն ու ԱՄՆ-ն:

Աշխարհի առաջնության ընթացքում Հայաստան կայցելեն AIBA-ի նախագահ Չինգ-Կոու Վուն, գործադիր տնօրեն Հո Կիմը, Սիրողական բռնցքամարտի համաշխարհային ասոցիացիայի փոխնախագահ, Բռնցքամարտի եվրոպական համադաշնության նախագահ Յումբեր Ֆուրժոնին, AIBA-ի գործադիր փոխտնօրեն Հոֆուր Ռախիմովը, ինչպես նաև Ռուսաստանի բռնցքամարտի ֆեդերացիայի նախագահ, Պահպանության դաշնային ծառայության տնօրեն, բանակի գեներալ Եվգենի Մուրովը։-0-