Հայաստանը վատ էր ներկայացված «Եվրատեսիլ - 2009» մրցույթում. կարծիք

ԵՐԵՎԱՆ, 18 մայիսի. /Նովոստի-Արմենիա/. Հայաստանը վատ էր ներկայացված «Եվրատեսիլ - 2009» մրցույթում, որն անցկացվեց շաբաթ օրը Մոսկվայում, կարծում է Քրիստոնեա-դեմոկրատական միության նախագահ, հայկական խորհրդարանի նախկին վարչապետ և նախկին խոսնակ Խոսրով Հարությունյանը։

Հայաստանը ներկայացնող Ինգա և Անուշ Արշակյան քույրերը Jan-Jan երգով «Եվրատեսիլ - 2009» մրցույթի արդյունքներով զբաղեցրել են տասներորդ տեղը եզրափակչում տեղ գտած 25 երկրների՝ Լիտվայի, Իսրայելի, Ֆրանսիայի, Շվեդիայի, Խորվաթիայի, Պորտուգալիայի, Իսլանդիայի, Հունաստանի, Ռուսաստանի, Ադրբեջանի, Բոսնիա և Հերցեգովինայի, Մոլդովայի, Մալթայի, Էստոնիայի, Դանիայի, Գերմանիայի, Թուրքիայի, Ալբանիայի, Նորվեգիայի, Ուկրաինայի, Մեծ Բրիտանիայի, Ֆինլանդիայի և Իսպանիայի թվում։

«Երգը շատ լավն է, սակայն մենք եվրոպական շոու չտեսանք»,- ասաց Հարությունյանը երկուշաբթի «Նովոստի» միջազգային մամուլի կենտրոնում։

Ըստ նրա, հենց սա պատճառ դարձավ, որպեսզի Հայաստանը հայտնվի տասներորդ տեղում։

«Երգը որպես այդպիսին շատ լավն է, սակայն մուգ կապույտ երանգները սարսափ ֆիլմ էին հիշեցնում, իսկ շարժումներում որևէ դինամիկա չկար»,- կարծում է Հարությունյանը։

«Եվրատեսիլ - 2009» մրցույթի հաղթողը հանդիսատեսի քվեարկության արդյունքներով ճանաչվեց նորվեգացի երգիչ Ալեքսանդր Ռիբակը Fairytale երգով։ -0-