ԵՐԵՎԱՆ, 18 մայիսի. /Նովոստի-Արմենիա/. ՀՀ պաշտպանության, անվտանգության և ներքին գործերի ԱԺ մշտական հանձնաժողովի նախագահ Արթուր Աղաբեկյանը հրաժարական է տվել, երկուշաբթի խորհրդարանի նիստի ընթացքում տեղեկացրեց ՀՀ ԱԺ նախագահ Հովիկ Աբրահամյանը։
Ըստ նրա, հրաժարականը ձևակերպվել է ՀՀ ԱԺ Կանոնակարգի գործող կետի համաձայն։
ՀՀ պաշտպանության, անվտանգության և ներքին գործերի ԱԺ մշտական հանձնաժողովի նախագահի պաշտոնն Արթուր Աղաբեկյանը զբաղեցնում էր 2007 թվականի հունիսի 7-ից։
Ապրիլի 27-ին ՀՅԴ-ն հայտարարել է կոալիցիայից դուրս գալու մասին՝ հիմնավորալեով իր որոշումը արտաքին քաղաքականության մեջ կոալիցիայի իրենց գործընկերների հետ ունեցած տարաձայնություններով։ ՀՅԴ-ի՝ կոալիցիայից դուրս գալու հայտարարությունից հետո կուսակցության ներկայացուցիչները գործադիր և օրենսդիր իշխանությունում զբաղեցրած բոլոր բարձր պաշտոններից հրաժարվելու դիմում էին ներկայացրել։
Այդ պաշտոնների թվում են երեք նախարարական պորտֆելները՝ գյուղատնտեսության, կրթության և գիտության, աշխատանքի և սոցիալական հարցերի նախարարների, ինչպես նաև խորհրդարանի փոխխոսնակի, խորհրդարանական երկու՝ արտաքին հարաբերությունների, ինչպես նաև պաշտպանության, ազգային անվտանգության և ներքին գործերի մշտական հանձնաժողովների ղեկավարների պաշտոնները։ Վերջին երկու պաշտոնները Դաշնակցությունը պահպանեց, սակայն Աղաբեկյանը ցանկացավ ազատվել զբաղեցրած պաշտոնից։ -0-
