Հայ-թուրքական հարաբերությունների կարգավորումը կարող է միայն դրական անդրադառնալ Անդկովկասի իրավիճակի վրա, ուրբաթ Երևանում լրագրողներին ասաց ՀԱՊԿ գլխավոր քարուղար Նիկոլայ Բորդյուժան՝ պատասխանելով «Նովոստի-Արմենիա» գործակալության հարցին:
Հայաստանի և Թուրքիայի հարաբերություններում, որոնց միջև դիվանագիտական հարաբերությունները բացակայում են, իսկ հայ-թուրքական սահմանը փակ է 1993 թ.-ից պաշտոնական Անկարայի նախաձեռնությամբ, վերջին շրջանում որոշակի տեղաշարժեր են գրանցվել, մասնավորապես, արտաքին քաղաքական գերատեսչությունները հայտարարել են հարաբերությունները կարգավորելու պատրաստակամության մասին և «ճանապարհային քարտեզ» ընդունել։
«Որքան արագ և ակտիվ անցնեն այդ գործընթացները, այնքան ավելի մեծ է վստահությունը, Որ Կովկասը կայուն կլինի, և Հայաստանը կզարգանա կայուն և արդյունավետ կերպով»,- ասաց Բորդյուժան:
Ներկայումս Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։
Առաջին քայլերը հարաբերություններում արվեցին 2008թ. սեպտեմբերի 6-ին, երբ Թուրքիայի նախագահ Աբդուլա Գյուլն առաջին անգամ ՀՀ նախագահ Սերժ Սարգսյանի հրավերով այցելեց Երևան՝ 2010 թ. աշխարհի առաջնության ընտրական փուլի շրջանակներում երկու երկրների հավաքականների միջև ֆուտբոլային հանդիպումը դիտելու համար։ Այցի ընթացքում երկու պետությունների ղեկավարները քննարկեցին երկկողմ հարաբերությունների հաստատման հնարավորությունները։-0-
