Ոստիկանությունը շրջափակել է Երևանի «Նաիրիտ» գործարանի շրջակա տարածքը

Ոստիկանները շրջափակել են Երևանի «Նաիրիտ» գործարանի շրջակա տարածքը՝ մոտ մեկ կիլոմետր շառավղով, հաղորդում է «Նովոստի-Արմենիա» գործակալության թղթակիցը դեպքի վայրից:

Նրա խոսքերով՝ դեպքի վայրում խիտ ծուխ է և զգացվում է այրվող կաուչուկի հոտ:

Հայկական հեռուստաալիքների տվյալներով՝ մոտակա շենքերից հայտարարվել է բնակիչներ տարհանում:

Ոչ պաշտոնական տվյալներով՝ «Նաիրիտ» քիմիական գործարանում այրվում է քլորոպրենի արտադրամասը, հայտնեց ձեռնարկության աղբյուրը: Զրուցակցի խոսքերով՝ այրվում են գործարանի ռեակտորները։

ՀՀ Արտակարգ իրավիճակների նախարարությանն առընթեր փրկարար ծառայության պետի խորհրդական Նիկոլայ Գրիգորյանի խոսքերով՝ կրակը հանգցնում է 12 մարտական հաշվարկ։ 

Նրա տվյալներով՝ գործարանում տեղի է ունեցել պայթյուն, որի հետևանքով հրդեհ է բռնկվել։ Պայթյունի պատճառներն առայժմ անհայտ են

«Նաիրիտ» գիտաարտարդրական միավորումը ԽՍՀՄ տարածքում քլորոպրենային կաուչուկի մենաշնորհային արտադրողն էր։ «Նաիրիտ» առևտրային անվանումով պոլիքլորոպրենը ձեռնարկությունն արտադրում է 1940 թվականից։ --0--