2008թ.-ին Հայաստան է բերվել արտասահմանում միջազգային հետախուզության մեջ գտնվող ընդամենը 4 և համարները փոխված 14 մեքենա, հայտնեց Ոստիկանության պետի տեղակալ, գեներալ-լեյտենանտ Հովհաննես Հունանյանը։
«Այսպիսով, մեր ձեռնարկած միջոցների շնորհիվ, հաջողվել է հասնել նվազագույնի։ Օրինակ, 2004թ.-ին Հայաստան է բերվել միջազգային հետախուզության մեջ գտնվող 69 և փակ համարներով 9 մեքենա, իսկ 2005թ.-ին համապատասխանաբար 42 և 14 մեքենա, իսկ 2006թ.-ին՝ 41 և 20 մեքենա»,-երկուշաբթի ասաց նա հայկական խորհրդարանում Հայաստան ներմուծվող հափշտակված մեքենաների հարցի շուրջ հայկական խորհրդարանում տեղի ունեցած աշխատանքային քննարկումների ժամանակ։
Ոստիկանության պետի տեղակալի խոսքերով, ԽՍՀՄ փլուզումից հետո Արևելյան ու Արմտյան Եվրոպայի երկրներից հետխորհրդային տարածք ու Հայաստան սկսեցին ներմուծվել վերադաջված ու հետախուզման մեջ գտնվող ավտոմեքենաներ։ Ինչպես նշեց Հունանյանը, Հայաստանը, լինելով Ինտերպոլի գլխավոր քարտուղարության անդամ, կարող էր ընդամենը գրանցել գողացված մեքենաների ներմուծումը երկիր՝ չկարողանալով ձեռնարկել որևէ գործուն միջոց։
Հունանյանի տվյալներով, մինչև 2004թ.-ը ամեն տարի Հայաստան է բերվել արտասահմանում հափշտակված 200-250 մեքենա, սակայն գողացված մեքենաների ներմուծումը կասեցնելու վերաբերյալ միջոցներ ձեռնարկելու որոշումից հետո ցուցանիշը սկսեց կտրուկ նվազել։ Նա ընդգծեց, որ գողացված մեքենաների ներմուծումը երկիր էապես բարդացրել էր քրեածին մթնոլորտը երկրում, քանի որ նման մեքենաների միջոցով կատարվում էին բազմաթիվ հանցագործություններ։
«2004թ.-ի մարտի 31-ին ՀՀ Ոստիկանության և Պետական մաքսային կոմիտեի պետերը համատեղ հրաման ստորագրեցին, համաձայն որի սահմանվեցին արտասահմանում գողացված մեքենաների երկիր ներմուծումը կասեցնող մեխանիզմները»,- հայտարարեց Ոստիկանության պետի տեղակալը։
Սակայն, ինչպես նշեց Հունանյանը, նման միջոցների ձեռնարկումից հետո, խնդիրը լիովին չլուծվեց, քանի որ դժվար էր գտնել գողացված մեքենաների սեփականատերերին։ Նրա բերած տվյալներով, չնայած նման դժվարություններին, իրավապահ մարմիններին հաջողվել է գողացված մեքենաները վերադարձնել օտարերկրացի տերերին, օրինակ 4 մարդու ԱՄՆ-ում, 2-ական՝ Ռուսաստանում, Վրաստանում և Հունաստանում։
Միևնույն ժամանակ, Հունանյանը հավելեց, որ հաճախ գողացված մեքենաների սեփականատերերն իրենք շահագրգռված չեն մեքենայի վերադարձի համար, քանի որ ապահովագրությամբ արդեն ստացել են իրենց մեքենայի լրիվ արժեքը։ Նրա խոսքերով, երբեմն գրանցվել են նաև դեպքեր, երբ մեքենաների սեփականատերերն իրենք են մեքենաները տվել քրեական տարրերին և արդյունքում հայտարարել դրա հափշտակման մասին։-0-
