ԵՐԵՎԱՆ, 8 մայիսի. /Նովոստի-Արմենիա/. Հայաստանում կորած ԱՄՆ քաղաքացու ընտանիքը 250 հազար դոլար պարգևատրում է խոստանում նրա գտնվելու վայրի վերաբերյալ տեղեկատվության դիմաց, ասվում է ուրբաթ «Նովոստի-Արմենիա» գործակալությանը Շահան Նաթալի ընտանիքի հիմնադրամի հաղորդագրությունում։
2009 թվականի ապրիլի 25-ի երեկոյան Նազարեթ Բերբերյանը դուրս է եկել Երևանի կենտրոնում գտնվող իր տանից և չի վերադարձել։ Բերբերյանի տիկինն ու երեխաներն ապրում են Հարավային Կալիֆոռնիայում (ԱՄՆ)։ Բերբերյանն ունի պրեմիում կարգի սեփականություն հայկական մայրաքաղաքի կենտրոնում։ Ձեռնարկատերը նաև հյուրանոց է կառուցում Linareh Company արտադրական օբյեկտում։ Նրան է պատկանում Արարատի մարզի Դալար գյուղում գտնվող գորգագործության գործարանը։
«Հարազատներն ու ընտանիքը պնդում են, որ Բերբերյանը չունի բացահայտ թշնամիներ և բիզնես է իրականացնում Հայաստանում 1999 թվականից առանց որևէ բարդության»,- ասվում է հաղորդագրությունում։ Տվյալ միջադեպը մեկնաբանելու՝ «Նովոստի-Արմենիա» գործակալության խնդրանքին ՀՀ ոստիկանությունում պատասխանեցին, որ առայժմ չունեն որևէ կոնկրետ վարկած Բերբերյանի անհետացման վերաբերյալ։
«Բերբերյանի անհետացման փաստով հարուցվել է քրեական գործ։ Հետաքննությունն անցկացվում է ՀՀ Քրեական օիրենսգրքի 104 հոդվածի առաջին մասի (սպանություն) հիման վրա»,-նշեցին ոստիկանությունում։
Միաժամանակ ոստիկանության մամուլի ծառայությունից հայտնեցին, որ Բերբերյանին պատկանող մուգ կանաչ Toyota Land Crusier-ը հայտնաբերվել է Երևանի Զվարթնոց միջազգային օդանավակայանից ոչ հեռու։ -0-
