ԵՐԵՎԱՆ, 8 մայիսի. /Նովոստի-Արմենիա/. Լենինգրադի շրջափակումը վերացնելու 65-ամյակի կապակցությամբ ուրբաթ Երևանում հուշամեդալներ են հանձնվել շրջափակումը վերապրած ու քաղաքի պաշտպանությանը մասնակցած Հայաստանի բնակիչներին։
Հայրենական մեծ պատերազմի վետերաներին ու շրջափակումը վերապրածներին մեդալներ հանձնեց հայաստանում ՌԴ դեսպանատան հյուպատոսական բաժնի վարիչ Եվգենի Կոնիշևը և Հայաստանում ՌԴ ռազմական կցորդի օգնական, գնդապետ Ալեքսանդր Կուչմասովը։
Ընդհանուր առմամբ հուշամեդալների արժանացան շուրջ 20 վետերաններ ու շրջափակումը վերապրածներ, սակայն ՌԴ ներկայացուցիչներն անձամբ հանձնեցին միայն նրանցից 8-ին, քանի որ մյուսները ապրում են Հայաստանի հեռավոր շրջաններում և նրանց գալը Երևանը բարդ է տարիքի պատճառով։
Կոմիշևի խոսքերով՝ Լենինգրադի շրջափակումը հաղթահարելու 65-ամյակին նվիրված մեդալները թանկարժեք են։
«Լենինգրադի բլոկադան, որն ավելի քան 900 օր տևեց և տարբեր տվյալներով՝ 400 հազարից մինչև մեկ միլիոն մարդու կյանք խլեց, ողբերգական պատմություն էր ինչպես ողջ Խորհրդային Միության, այնպես էլ մյուս հանրապետությունների համար։ Այս պարգևը շրջափակման ու պաշտպանության մասնակիցների արյամբ, քրտինքով ու արցունքներով է ծնվել»,- ասաց նա։
Կոնիշևը հատկապես նշեց հայ ժողովրդի դերը Հայրենական մեծ պատերազմի հաղթանակում։ Նա հիշեցրեց, որ հայ ժողովուրդը 6 մարշալ ու ծովակալ է տվել, ավելի քան 100 հայեր առաջադրվել են Խորհրդային միության հերոսի կոչման։
«Հայ ժողովուրդն առանձնահատուկ ներդրում ունի աշխարհը ֆաշիզմից ազատելու գործում։ Հայաստանում ՌԴ դեսպանատան և ողջ ռուս ժողովրդի անունից շնորհավորում եմ վետերաններին հաղթանակի տոնի կապակցությամբ և մաղթում նրանց ու նրանց ընտանիքներին հաջողություն, առողջություն և բարօրություն»,- ասաց Կոմիշևը։
Ներկա վետերաններին տոնի կապակցությամբ շնորհավորեցին Հայաստանի Արդյունաբերողների ու գործարարների (գործատուների) միության նախագահ Արսեն Ղազարյանն ու VivaCell հեռահաղորդակցական ընկերության գլխավոր տնօրեն Ռալֆ Յիրիկյանը։
Ղազարյանը նշեց, որ հուշամեդալով բոլոր պարգևատրվածներին Լենինգրադի շրջափակումը հաղթահարելու 65-ամյակի պատվին ՀԱԳՄ անունից հեռուստացույցներ են շնորհվել, որոնք կհասցվեն նրանց բնակավայրեր։ --0--
