Հայաստանում 2009 թ.-ի աշնանային զորակոչը կանցկացվի «Զինապարտության մասին» օրենքում պատրաստվող փոփոխությունները հաշվի առնելով, հինգշաբթի «կլոր սեղանի» ընթացքում լրագրողներին ասաց պաշտպանության նախարարության իրավաբանական բաժնի պետ, գնդապես Սեդրակ Սեդրակյանը։
«Ներկայումս փոփոխությունները պատրաստվում են, բայց դեռ պատրաստ չեն»,- նշեց նա։
Սեդրակյանը հայտնեց, որ առաջին զորակոչի պահից (1992 թ.), ընդունվել է զորակոչը կարգավորող երկու օրենք։ Այժմ գործում է «Զինապարտության մասին» 1998 թ.-ին ընդունված օրենքը՝ հաջորդած փոփոխություններով ու լրացումներով։
Իրավաբանական բաժնի պետը նշեց, որ զորակոչերի կազմակերպման ու անցկացման իրավական բազան լուրջ փոփոխությունների այս ընթացքում չի ենթարկվել, հիմնականում փոփոխվել են բանակի զորակոչի տարկետման, բժշկական փորձաքննություն անցկացնելու կարգերը։ Նրա խոսքերով՝ վերջին փոփոխությունները ևս կապված են տարկետման հետ, մասնավորապես երկրից ելքի թույլտվության կարգի հետ։
ՀՀ նախագահի հրամանագրի համաձայն՝ 2009 թ.-ի գարնանային զորակոչը կսկսվի մայիսի 11-ին։-0-
