Միջազգային տեղեկատվության «Նովոստի-Արմենիա» գործակալության կայքը Yandex.ru որոնողական համակարգի վարկածով Հայաստանի լրատվական կայքերի վարկանիշում մեջբերման թեմատիկ ինդեքսով երկրում առաջին տեղն է զբաղեցնում։
Մեջբերման թեմատիկ ինդեքսը (ՄԹԻ) կայքի կամ, ավելի հստակ, Ինտերնետ-ռեսուրսի կարևորության (հեղինակության աստիճանի) ցուցանիշն է Yandex որոնողական համակարգի կողմից, որը որոշվում է այդ ռեսուրսին արված արտաքին հղումների ներքին վերլուծության հաշվին։
Տվյալ դեպքում իբրև արտաքին հղումների որակ ընկալվում է, առաջին հերթին, հղումը կատարող և հղումը ստացող ռեսուրսների միջև թեմատիկայի նմանությունը։ Որքան մեծ է այդ որակը կամ, ինչպես ասում են, հղման քաշը, այնքան Մեջբերման ավելի մեծ ինդեքս է ձեռք բերում ռեսուրսը։ ՄԹԻ վերահաշվումը տեղի ունենում ամսական 1,5-2 անգամ։
Վարկանիշի համաձայն՝ «Նովոստի-Արմենիայի» մեջբերումը 1100 է կազմում, ինչը 350 կետով ավելի է նրան հետևող «Արմինֆո» գործակալության կայքից։ Միաժամանակ ամենաշատ մեջբերվող կայքերի հնգյակը եզրափակող «Դե-ֆակտո» տեղեկատվական-վերլուծական կայքի մեջբերման ցուցանիշը կազմում է ընդամենը 110։
Անգամ եթե վերցնենք Հայաստանի բոլոր լրատվական կայքերի հնգյակը, ապա ԱՄԻ «Նովոստի-Արմենիան» դարձյալ վարկանիշի առաջատարն է։ Ընդհանուր առմամբ, Հայաստանի ամենաշատ մեջբերվող լրատվական կայքերի հնգյակը հետևյալն է. ԱՄԻ «Նովոստի-Արմենիա»՝ 1100 վարկանիշով, «Պանարմենիան»՝ 850, «Արմինֆո»՝ 750, «Պանորամա»՝ 600, «Արմենպրես»՝ 190։
«Նովոստի-Արմենիա» միջազգային տեղեկատվական գործակալությունը գրանցվել է 2005թ. հուլիսին՝ երկրի քաղաքական, սոցիալական և մշակութային կյանքը լուսաբանելու նպատակով։
2005 թ. դեկտեմբերի 8-ին ԱՄԻ «Նովոստի-Ամենիան» և «ՌԻԱ Նովոստի» ռուսական միջազգային տեղեկատվական գործակալությունը ստորագրել են համաձայնագիր՝ տեղեկատվության փոխանակման բնագավառում համագործակցության մասին։
Ամեն օր ԱՄԻ «Նովոստի-Արմենիա» կայքում (www.newsarmenia.am; www.newsarmenia.ru) օն-լայն ռեժիմով, հայերեն և ռուսերեն լեզուներով ներկայացվում է տեղեկատվություն՝ երկրում և արտասահմանում տեղի ունեցող առավել կարևոր իրադարձությունների մասին, ներկայացվում են առաջատար քաղաքական գործիչների հետ հարցազրույցներ, փորձագետների կարծիքներ և մեկնաբանություններ։--0--
