Երևանում կշարունակվի ՀՀ ԱԳՆ նախկին ղեկավարի և երեք պատգամավորի դատավարությունը

Երևանում մարտի 1-2-ին տեղի ունեցած զանգվածային անկարգությունների փաստի առթիվ հարուցված քրեական գործի շրջանակներում «յոթի գորով» դատավարությունը կշարունակվի երկուշաբթի Երևանում:

Միասնական գործի շրջանակներում քննվում են պատգամավորներ Մյասնիկ Մալխասյանի դեմ հարուցված մեղադրանքները՝ 225-րդ հոդվածի երրորդ կետով (զանգվածային անկարգություններ, որոնք զուգորդված են սպանությամբ), 300-րդ հոդվածի 1-ին կետով (պետական իշխանության յուրացնելը), 316-րդ հոդվածի 2-րդ կետով (իշխանության ներկայացուցչի նկատմամբ բռնություն գործադրել), Սասուն Միքայելյանի դեմ հարուցված մեղադրանքները՝ 225-րդ հոդվածի 3-րդ կետով, 300-րդ հոդվածի 1-ի մասով, 235-րդ հոդվածի 1-ին և 2-րդ մասով (զանգվածային անկարգություններ կազմակերպելը, որոնք ուղեկցվել են բռնությամբ, ջարդերով, հրկիզումներով, գույք ոչնչացնելով կամ վնասելով, հրազեն, պայթուցիկ նյութեր կամ պայթուցիկ սարքեր գործադրելով) և Հակոբ Հակոբյանի դեմ, ով մեղադրվում է ՀՀ ՔՕ 225-րդ հոդվածի 3-րդ մասով և 300-րդ հոդվածի 1-ին մասով։

Դատական նիստը խափանվել էր և տեղափոխվել մարտի 23-ին՝ նախորդ երեքշաբթի մեղադրյալների փաստաբանների չներկայանալու պատճառով:

Դատավոր Մնացական Մարտիրոսյանը, հաշվի առնելով, որ մեղադրյալների փաստաբաններից ոչ մեկը դատական նիստին չի ներկայացել, համարեց, որ փաստաբանների՝ դատական գործընթացի բնականոն ընթացքը խոչընդոտող բացակայությունը դատարանի հանդեպ անհարգալից վերաբերմունքի դրսևորում է։  

«Դատարանը որոշել է փաստաբաններին պատասխանատվության դրդող հայտարարությամբ նամակ ուղարկել ՀՀ Փաստաբանների պալատ՝ առանց դատարանի թույլտվության նիստը անհարգալից կերպով բաց թողնելու համար»,- հայտարարեց Մարտիրոսյանը։ 

Այսօրվա նիստին պետք է մասնակցեր հինգ մեղադրյալ, ովքեր դատավարության ընթացն անընդհատ խոչընդոտելու և դատարանի հանդեպ անհարգալից վերաբերմունք դրսևորելու պատճառով նախկինում հեռացվել էին դատարանի դահլիճից: Այսպիսով, դատավարությանը ներկա չի լինի միայն մեղադրյալ Ոսկերչյանը: Սակայն պարզ չէ՝ արդյոք կկարողանա դատավոր Մնացականյանը շարունակել դատվարությունը, քանի որ մեղադրյալների փաստաբանները նախորդ նիստի ժամանակ, ի նշան բողոքի, լքեցին դատարանի դահլիճը:

«Յոթի գործով» բոլոր դատական նիստերն ընթանում էին լարված մթնոլորտում, քանի որ ամբաստանյալների՝ դատական նիստերի դահլիճում հավաքված կողմակիցներն ու մտերիմներն ակտիվորեն իրենց դժգոհությունն էին արտահայտում տեղի ունեցածի վերաբերյալ, սուլում էին դատավորին և դատախազներին՝ ծափահարություններով դիմավորելով ամբաստանյալների ելույթները։

Դատական նիստերի ժամանակ դատարանի բակում ամբաստանյալների կողմնակիցները հանրահավաքներ էին կազմակերպում, որոնց զսպում էին դատական կատարածուները, ոստիկաններն ու հատուկ նշանակության ջոկատը։

«Յոթի գործով» դատական նիստերի ժամանակ դատարանի մոտակայքում ճանապարհային երթևեկությունը ևս խախտվում էր, քանի որ ամբաստանյալների կողմնակիցները պարբերաբար երթեր էին անցկացնում, իրավիճակը ստիպված էին լինում վերահսկել Ճանապարհային ոստիկանության աշխատակիցները։-0-