Ղարաբաղյան հարցը չի կարող լուծվել բանակցությունների սեղանի շուրջ. հայ քաղաքագետ
Ղարաբաղյան հարցը չի կարող լուծվել բանակցությունների սեղանի շուրջ, ուրբաթ մամուլի ասուլիսի ժամանակ ասաց քաղաքագետ Լևոն Մելիք-Շահնազարյանը՝ մեկնաբանելով Հայաստանի և Ադրբեջանի նախագահների հանդիպման արդյունքները։
«Սարգսյան-Ալիև հանդիպումը ձևական էր, և ոչ մի նոր բան դրա ժամանակ չասվեց։ Ղարաբաղյան հարցում հայկական և ադրբեջանական կողմերի դիրքորոշումներում ոչ մի փոփոխություն չի սպասվում»,- ասաց քաղաքագետը։
Նրա կարծիքով, բանակցությունների սեղանի շուրջ խնդիրները կարող են լուծվել միայն այն դեպքում, եթե շփման կետեր կան, Ղարաբաղյան հարցում դրանք չկան։ «Հայաստանի և Ադրբեջանի դիրքորոշումները լիովին հակասում են միմյանց»,- նշեց Մելիք-Շահնազարյանը։
Քաղաքագետի կարծիքով հակամարտությունը կամ կլուծվի ռազմական ճանապարհով, ընդ որում բախման նախաձեռնողը Ադրբեջանը կլինի, կամ երկար ժամանակ սառեցված կմնա։
Նա նաև ավելացրեց, որ Հայաստանը պետք է ձգտի առավելագույն օգուտ քաղել Ղարաբաղյան խնդրի շուրջ ստատուս-քվոյից՝ զարգանալով տնտեսապես։
Նախագահների հանդիպումը կայացել է Ցյուրիխում հունվարի 28-ին Դավոսի Համաշխարհային տնտեսական համաժողովի շրջանակներում։
Ղարաբաղյան հակամարտության կարգավորման բանակցային գործընթացում նախագահներ Սերժ Սարգսյանի և Իլհամ Ալիևի ցյուրիխյան հանդիպումը թվով երրորդն էր։ --0--
