Վրաստանի հայաբնակ մարզերի մասին երկու գիրք է լույս տեսել Երևանում
ԵՐԵՎԱՆ, 12 դեկտեմբերի. /Նովոստի-Արմենիա/. Երևանում լույս են տեսել հայտնի հայ պատմաբան և ճարտարապետ Սամվել Կարապետյանի «Ջավաքխ» և «Ախալցխա» գրքերը։
Հեղինակի խոսքերով, հրատարակված գրքերը մի քանի տասնամյակների աշխատանքի արդյունքն են։
Կարապետյանն ավելացրեց, որ «Ջավախք» գիրքը պատմում է մարզի հարյուր բնակավայրերի պատմության և պատմական հուշարձանների մասին, միաժամանակ որևէ տարբերություն չի դրվել բնակավայրերի էթնիկ կազմության տեսակետից։
«Ջավախքը պատմական Հայաստանի Գուգարքի մարզի գավառներից է։ Իսկ երբ խոսքը գնում է մեր հայրենիքի որևէ հատվածի մասին, ապա մեզ համար տարբերություն չկա, թե ով է բնակվում այս կամ այն գյուղում։ Մենք պարտավոր ենք ուսումնասիրել բոլոր բնակավայրերի պատմությունն ու պատմահուշարձանները», - նշեց Կարապետյանը։
Նրա խոսքերով, «Ախալցխա» գրքում ուսումնասիրվել է 27 գյուղի պատմություն։-0-
