Երևանում կկառուցվի նոր հեծանվահրապարակ. մայրաքաղաքի գլխավոր ճարտարապետ
Երևանում կկառուցվի նոր հեծանվահրապարակ, երկուշաբթի տեղեկացրեց Երևանի գլխավոր ճարտարապետ Սամվել Դանիելյանը։
«Նոր հեծանվահրապարակը կկառուցվի երկու հեկտար մակերեսով տարածքի վրա՝ Ադմիրալ Իսակովի պողոտայի մոտակայքում», - ասաց նա։
Նրա խոսքերով, շինարարությունը կիրականացնի «Renco Arm State» իտալական ընկերությունը։
«Այժմ «Հայնախագիծ» իսնտիտուտում մշակվում է ապագա հեծանվահրապարակի նախագիծն ու էսքիզները, իսկ շինարարությունը կսկսվի 2009 թ.-ի սեպտեմբերին», - նշեց Դանիելյանը։
Գլխավոր ճարտարապետը նշեց, որ Երևանում գործող հեծանվահրապարակի ուղիների որակը գտնվում է բարձր մակարդակի վրա, սակայն ինքը հրապարակը չունի անհրաժեշտ ենթակառուցվածքներ։
Նրա խոսքերով, նոր հեծանվահրապարակը կունենա անհրաժեշտ բոլոր ենթակառուցվածքները։
Դանիելյանը տեղեկացրեց, որ շինարարության ավարտից հետո գործող հեծանվահրապարակի տարածքը կփոխանցվի «Renco Arm State»-ին, որտեղ ընկերությունը մտադիր է սկսել քաղաքաշինական գործունեություն։-0-
