Հայաստանը Կիևում նոյեմբերին կմասնակցի ԱՊՀ երկրների Երկաթուղային տրանսպորտի խորհրդի նիստին
Հայկական պատվիրակությունը կմասնակցի ԱՊՀ երկրների Երկաթուղային տրանսպորտի խորհրդի հերթական նիստին, որը կկայանա նոյեմբերի 20-21-ին Կիևում, հայտնեց «Հարավկովկասյան երկաթուղի» ՓԲԸ փոխադրումների գծով գլխավոր տնօրենի տեղակալ Անատոլի Դանչենկոն։
«Նիստի ժամանակ երկաթուղային վարչությունների ներկայացուցիչները կքննարկեն երկաթուղային տրանսպորտի աշխատանքին վերաբերող միջպետական խնդիրներ»,- երեքշաբթի ասաց նա լրագրողներին։
ՀԿԵՈՒ բեռների և կոմերցիոն աշխատանքների ծառայության պետ Իլյա Կալպերիսի խոսքերով, Հայաստանի կողմից նիստին կմասնակցի պատվիրակություն, որի կազմում ընդգրկված կլինեն հանրապետության Տրանսպորտի և կապի նախարարության և ՀԿԵՈՒ ներկայացուցիչներ։ Խորհրդի նախորդ՝ 49-րդ նիստը կայացել է Բիշքեկում մայիսին։
Հայաստանի երկաթուղիները ՌԵ-ն ղեկավարում է այդ նպատակի համար հատուկ ստեղծված հարյուրտոկոսանոց դուստր կառույցի՝ Հարավկովկասյան երկաթուղու միջոցով: --0--
