Հայ եկեղեցու ներկայացուցիչը Վիեննայում մասնակցել է մկրտության հարցերով հավաքին
03.11.2008,
18:54
Հայ եկեղեցու ներկայացուցիչը Վիեննայում մասնակցել է մկրտության հարցերով հավաքին
Հայ Առաքելական եկեղեցու ներկայացուցիչը մասնակցել է հոկտեմբերի 30-ից նոյեմբերի 2-ը Վիեննայում տեղի ունեցած «Մկրտությունը մեր եկեղեցիների կյանքում» թեմայով Եվրոպական եկեղեցիների կոնֆերանսի և Եվրոպայի բողոքական եկեղեցիների միության չորրորդ հավաքին, երկուշաբթի «Նովոստի-Արմենիա» գործակալությանը հայտնեցին Մայր Աթոռ Սուրբ Էջմիածնի տեղեկատվական համակարգից։
Ամենայն Հայոց Գարեգին Բ կաթողիկոսի օրհնությամբ Մայր Աթոռ Սուրբ Էջմիածնից հավաքին մասնակցեց Կենտրոնական Եվրոպայի հայրապետական պատվիրակ Մեսրոպ արքեպիսկոպոս Գրիգորյանը:
«Հավաքի ընթացքում զեկուցողներն անդրադարձան ուղղափառ և բողոքական եկեղեցիներում մկրտության խորհրդին առնչվող խնդիրներին»,- ասվում է հաղորդագրության մեջ։ --0--
Պատճենել հղումը
