Աղաթթվի արտահոսք է տեղի ունեցել ՀԱԷԿ-ի հարակից տարածքում
10.10.2008,
11:48
Աղաթթվի արտահոսք է տեղի ունեցել ՀԱԷԿ-ի հարակից տարածքում
ԵՐԵՎԱՆ, 10 հոկտեմբերի. /Նովոստի-Արմենիա/. Հոկտեմբերի 9-ին տեղեկություն է ստացվել, որ ՀԱԷԿ-ի հարակից տարածքում տեղի է ունեցել աղաթթվի արտահոսք, մասնագետները հավաստիացնում են, որ բնապահպանական խնդիր առաջանալ չի կարող, ուրբաթ «Նովոոստի-Արմենիա» գործակալությանը հայտնեցին ՀՀ ԱԻՆ Փրկարար ծառայությունից։
Ծառայության տվյոլներով, թափվել է բեռնատար ավտոմեքենայով ՀԱԷԿ ներմուծվող հեղուկ աղաթթվի մնացորդը (մոտ 200-250 լ):
Համաձայն դեպքի վայրում գտնվող՝ Արմավիրի մարզային բնապահպանական եւ հակահամաճարակային ծառա¬յությունների մասնագետների նախնական եզրակացության` թափված աղաթթվի քանակությունը եղել է փոքր, հետեւաբար բնապահպանական խնդիր առաջանալ չի կարող:
Դեպքի վարույթով զբաղվում է Մեծամոր քաղաքի ոստիկանության բաժինը:-0-
Պատճենել հղումը
