Հայաստանը կմասնակցի Բիշքեկում ՀԱՊԿ երկրների ԱԻ խորհրդի առաջին նիստին

ՀՀ արտակարգ իրավիճակների նախարար Մհեր Շահգելդյանը կմասնակցի Հավաքական անվտանգության պայմանագրի կազմակերպության (ՀԱՊԿ) անդամ-երկրների արտակարգ իրավիճակների գծով համակարգող խորհրդի առաջին նիստին, որին մասնակցում են ՀԱՊԿ յոթ անդամ-երկրների արտակարգ իրավիճակների նախարարները:

«Նիստին մասնակցելու նպատակով Շահգելդյանը չորեքշաբթի կմեկնի Ղրղզստանի մայրաքաղաք»,- «Նովոստի-Արմենիա» գործակալությանը տեղկացրեցին ՀՀ ԱԻՆ Փրկարար ծառայության մամուլի կենտրոնից։

Սեպտեմբերի 12-ին Ղրղզստանի մայրաքաղաք Բիշքեկում գումարվելիք նիստի օրակարգում ընդգրկվելու են հետևյալ հարցերը.

Մինչև 2012թ. Հավաքական անվտանգության պայմանագրի կազմակերպության անդամ-երկրների կողմից արտակարգ իրավիճակներին  հավաքական արձագանքման համակարգի ձևավորման գործողությունների հիմնական ուղղությունների՚ դիտարկում և քննարկում»,

ՀԱՊԿ անդամ-երկրների արտակարգ իրավիճակների գծով համակարգող խորհրդի «Մինչև 2012թ. Հավաքական անվտանգության պայմանագրի կազմակերպության անդամ-երկրների կողմից արտակարգ իրավիճակներին  հավաքական արձագանքման համակարգի ձևավորման գործողությունների հիմնական ուղղությունների» առաջին փուլի իրագործման հիմնական միջոցառումների նախագծի ծրագրի դիտարկում և հաստատում,

Հավաքական անվտանգության պայմանագրի կազմակերպության խորհրդի` ՀԱՊԿ անդամ-երկրների արտակարգ իրավիճակների կանխարգելման ու վերացման և քաղաքացիական պաշտպանության ոլորտի մի շարք հաստատություններին բազային գիտական հաստատության կարգավիճակի շնորհման մասին որոշման նախագծի դիտարկում,

Հավաքական անվտանգության պայմանագրի կազմակերպության խորհրդի` արտակարգ իրավիճակների վերացման համար նախատեսված ուժերի և միջոցների ցուցակագրման մասին որոշման դիտարկում,

Տվյալների բազայի ստեղծման մասին` ըստ ռիսկի, սեյսմոլոգիայի, հեղեղային իրավիճակների, քաղաքացիական պաշտպանության ռեսուրսների, կադրերի պատրաստման, վթարափրկարարական տեխնիկայի և սարքավորումների, կապի միջոցների, փրկարարական գործողությունների նոր տեխնոլոգիաների կատեգորիաների,

Փրկարարական գործողությունների իրականացման  ժամանակ և  դրանց ավարտից հետո փրկարարներին հոգեբանական աջակցության և վերականգնողական ծառայությունների, հրշեջների, քաղծառայության զինվորականների փոխգործողության մեխանիզմների մշակման մասին:

ՀԱՊԿ-ն  ստեղծվել է Հավաքական անվտանգության պայմանագրի հիման վրա, որը ստորագրվել է 1992 թվականին, պայմանագիրն ավտոմատ կերպով երկարաձգվում է յուրաքանչյուր հինգ տարին մեկ։ ՀԱՊԿ-ի անդամներ են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանը և Ուզբեկստանը։-0-