Հայկական համընդհանուր բարեգործական միությունն առաջին անգամ սկաուտական հավաք կանցկացնի Հայաստանում
Հայկական համընդհանուր բարեգործական միությունը (AGBU) սփյուռքում իր մասնաճյուղերի երիտասարդական ու սկաուտական գործունեության պատմության մեջ առաջին անգամ 2008 թ.-ին սկաուտական ճամբար է կազմակերպում Հայաստանում, «Նովոստի-Արմենիա» գործակալությանը հայտնեցին կազմակերպությունից։
Հավաքին կմասնակցի շուրջ 300 սկաուտ AGBU սիրիական, լիբանանյան, իրանական և իրաքյան մասնաճյուղերից։
«Հավաքի անցկացումն արտացոլում է Հայաստանի և սփյուռքի միջև գործնական հարաբերությունները և նպատակ ունի սփյուռքի երիտասարդներին մերձեցնել հայրենիքի հետ»,- նշեցին կազմակերպությունում։
Առաջին հավաք-ճամբարը կանցկացվի Հայաստանի Լոռու մարզի Լերմոնտովո համայնքի տարածքում, որտեղ միությունը սեփական հողակտորն է ձեռք բերել նմանատիպ միջոցառումներ անցկացնելու նպատակով։
Հայկական համընդհանուր բարեգործական միությունը (Armenian General Benevolent Union - AGBU) հիմնադրվել է 1906 թ.-ին և հայկական սփյուռքի ամենախոշոր ու ազդեցիկ կազմակերպություններից մեկն է։
Ներկայում AGBU-ն մասնաճյուղեր ունի աշխարհի 24 երկրներում, իսկ AGBU ծրագրերի շրջանակներում ամեն տարի նպաստներ է ստանում շուրջ 400 հազար հայ։ Միության կապիտալը գնահատվում է մոտ 272 մլն դոլար, իսկ տարեկան միջին բյուջեն՝ 35 մլն դոլար։
AGBU բարեգործների միջոցներով հումանիտար, մշակութային, ուսումնական, երիտասարդական ծրագրեր են իրականցվում։ --0—
