Հայ փրկարարները կանխել են երիտասարդ աղջկա ինքնասպանության փորձը

Հայ փրկարարները կանխել են հոգեկան հիվանդությամբ տառապող մի երիտասարդ աղջկա ինքնասպանության փորձը, տեղեկացնում է ՀՀ փրկարար ծառայությունը։

Նախօրեին կեսգիշերին մոտ ահազանգ է ստացվել այն մասին, որ Երևանի Բաբաջանյան փողոցի շենքերից մեկում 28-ամյա Գայանե Հ-ն փակել է բնակարանի դուռը և բարձրանալով պատուհանագոգին՝ սպառնում է իրեն ցած նետել  պատուհանից, ծառայությունից տեղեկացրեցին «Նովոստի-Արմենիա» գործակալությանը։

Դեպքի վայր ժամանած փրկարարները բացել են բնակարանի դուռը, սակայն Գայանե Հ-ն մոտ չի թողել 1-03 ծառայության աշխատակիցներին և ծնողներին։ Աղջիկը պահանջել է, որ իր հետ զրուցեն միայն փրկարարները, հակառակ դեպքում սպառնացել է իրագործել իր մտադրությունը:

Միայն վաղ առավոտյան փրկարարներին հաջողվել է մոտենալ աղջկան և հանձնել ծնողներին:-0-